Den un periodo di 6 luna lo duna atencion na varios aspecto importante di nos isla pa mehora nos producto Calidad, educacion y seguridad ta algun cu lo haya atencion

Posted: January 19, 2015 in Johnny Habibe

oduber-zievinger

Oranjestad-Dialuna mainta Minister Otmar Oduber a comenta cu el a ricibi un rapport tocante recomendacionnan pa mehora calidad di Producto Aruba for di e RevPar Committee cu a conta cu miembronan di Gobierno, ATA, AHATA y ATSA.

E comite a reparti e tareanan y reponsabilidadnan pa cual a compromete cu otro den 3 fase. 1. Metanan cu kier logra den e proximo 6 lunanan; 2. Metanan cu por logra dentro di 1 ½ aña y ; 3. Metanan cu por wordo implementa dentro di 3 aña.

Algun di e puntonan cu e documento ta duna atencion den e prome fase ta esakinan.

Calidad di servicio cu kier wordo brinda. Den e cuadro aki Aruba Certification Program (ACP) tin un rol hopi grandi. Entrante januari di e aña aki e programa aki ta cay bou supervision di ATA cu lo tin e rol di expande y logra cu den e proximo 2 aña practicamente 100% di esnan cu ta labora den e industria di turismo a pasa e curso aki.

Tambe e parti di educacion ta sumamente importante den  e documento. Kier pone atencion na e calidad di educacion y con hotel, gobierno y otro partnernan por yuda na scolnan manera EPB, EPI y Universidad di Aruba pa por engrandece e calidad di educacion eynan.

Training den totalidad tambe a haya atencion. Hotelnan ta compromete nan mes mescos cu otro sectornan pa upgrade nan personal. Otro punto importante ta lenguahe y cultura y mester traha riba dje den e proximo 6 lunanan. Nos tin un diversificacion di culturanan tanto di trahador como bishitante y mester pone enfasis riba dje.

Un otro punto ta pa compronde e necesidadnan di e mercado nobo cual ta esun di entrada riba 150 mil Dollar pa aña. Mester compronde kico ta e necesidadnan cu nan tin, e calidad di e servicio pa loke ta e standardnan cu cada empresa na Aruba mester bay tin pa por tin e nivel di calidad di servicio cu kier brinda.

Otro punto cu ta wordo identifica ta e servicionan na aeropuerto unda cu lo mester concentra mas riba e aspecto VIP, riba e aspecto di e bishitante afluente y kico nan ta spera di un destinacion cu ta propaganda su mes di ta uno di primera clase.

Seguridad riba beach y maneho sostenibel di desaroyo di beachnan tin prioridad halto. Minister Oduber a bisa cu Gobierno ya caba ta riba e caminda aki y ta spera cu dentro di e proximo 6 lunanan esakinan lo mester ta cla y cu ta conta pa tur esnan cu ta opera riba beachnan publico.

Bou di e punto aki ta recomenda tambe pa tin facilidadnan pa turistanan crucero of cu no ta kedando na hotel. Nan ta bisa pa tin facilidadnan na beachnan, crea beachnan nobo manera ta tumando lugar na e momentonan aki. Tambe ta menciona solicitacion riba beach, pa atende cu e situacion unda tin diferente ofrecementonan di entre otro droga riba nos beach.

Un ultimo punto cu Minister Oduber a menciona ta e clima di inversion pa cu hotelnan. Mester percura a base di e dialogo social cu a tuma lugar pa bin cu cambionan entre otro den e programa di incentivo di belasting IPC  y reduccion di invoerrechten relaciona cu muebles accesorios relaciona cu renovacion y mehoracion pa por crea e clima pa inversion den e hotelnan.

Cada un di e puntonan aki ta haya e atencion necesario hunto cu e mercadeo cu ATA lo mester bay hiba, pero teniendo na cuenta cu cada un di e actornan ta partnernan importante pa por percura cu 1. Tin e fondonan necesario pa inverti netamente unda por genera mas tanto di esnan cu ta bishita nos isla y cu tin e index di mas halto, kiermen cu nan por gasta mas; 2. Percura cu e strategia ta uno cu nos por yega na e tipo di hendenan aki; 3. Percura pa hopi di e instrumentonan manera aruba.com y otro formanan di haci negoshi directo ta mas accesibel.

Banda di e prioridadnan aki tin dos mas cu ta pa logra den 1 ½ aña y e otro den 3 aña. Esakinan ta cana den e mesun espiritu di esunnan di 6 luna caminda e partnernan ta compromete nan mes pa traha riba esaki y na final di dia ta di por tin un producto di un calidad hopi mas halto, tanto pa loke ta trata producto, pero tambe den servicio.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s