Den Haag – Na Gabinete di Aruba a tuma lugar un encuentro ameno pa despedi y yama danki na dos studiementor cu a tuma e desicion pa stop cu nan trabao como mentor pa Gabinete di Aruba. Ta trata aki di Nicio Gumbs y Rudolf Robles.
Nicio Gumbs a cuminsa como studiementor na 2014 y tabata tin bou di su supervision studiantenan na Eindhoven, Maastricht, Sittard y Heerlen.
Rudolf tin un aña ta haci e trabao aki y tabata guia studiantenan na Nijmegen y Arnhem.
Durante un encuentro ameno cu a conta cu presencia di e otro mentornan, director interino di Gabinete di Aruba Shandra John a haci entrega di un plakkaat na ambos mentor como aprecio y gratitud pa e añanan di dedicacion na guia di studiantenan Arubano na Hulanda.
Johnnyhabibe-Anchorman 