Oranjestad-Despues di un palabra di apertura di un escritor conosi di Apeldoorn, Adam van Donk, e artistanan Arubiano Margaritha Gressmannn (Trio Gressmann di Dordrecht) y ALPIZIO (Alberto Gomez di Rotterdam), a comparti canticanan manera ‘ABO SO’ cu e publico presente. Asina por a presenta e tata Cultural di Aruba, PADU DEL CARIBE, como actividad di apertura.
E anochi di apertura e musica general den galeria PS20 tabata digital y cu un cierto BEN, conosido saxofonista di/pa KIKA (fundacion pa meta bon y contra di cancer). Publico por a duna un donacion pa e meta bon aki.
Dos talento joven di Aruba auspicia pa fundacion H.A.L.A. (talentonan joven multidisciplinario), esta INDZI (India Hernandez) y Wilfred Junior Jansen, a sorprende e publico cu un performance avant-gardista. Un trailer digital di fundacion H.A.L.A. (crea pa Wilfred), a ser musrtra contimuamente na galeria PS20.
E fotografo conosido di Apeldoorn, Fokke P. de Boer, hunto cu un pintora di Deventer Esther de Wilde, a sorprende publico presente cu nan workshop espontaneo ‘papia riba arte’.
Finalmente tambe e conosido artista Arubiano Gustave Nouel, cu ta biba na Deventer, a ofrece e publico presente interesa, pa purba un quick-sketch di un model bibo… despues di mustra e secretonan pa hasi un quick-sketch.
Apertura den galeria PS20 di exposicion ‘BLIK IN BEELD’, a tuma tres dia; 16, 17 y 18 di januari. ‘Blik in Beeld’ ta un exposicion di portret extraordinario di cuater artista, dos di Hulanda y dos di e parti di Reino den Caribw. Cada participante tin su mes ideanan toante portret y e exposicion aki tambe tin cierto function puente artistico!
E exposicion ta dura te cu 28 di februari y ‘quick-sketching’ workshops ta ser ofreci, pero e workshops ta casi completo caba.
Lo tin workshops tur diamars atardi pa principiante y tur diasabra atardi pa artista avansa. Pa mas informacion o inscripcion, galeria PS20 (06 28932293)
Pa artista cu no ta logra participa na Apeldoorn, e Arubiano Gustave Nouel (06 26804109), ta considera ofrece workshops ‘quick-sketching’ diabierna anochi tambe na su atelier na Deventer, Ramelestraat 6H, CBK ateliers Plataan, te cu april 2015.
E artistanan cu ta exponiendo ta un artista di Corsow, diploma den ‘fijnschilderen’, Julio Martina, e conosido fotografo di Apeldoorn Fokke P. de Boer cu ‘fotografía social’, e pintora Esther de Wilde cu su portretnan expresivo, diploma na Academia Minerva y e conosido pintor Arubiano Gustave Nouel, specialista den nos Reino di ‘Oranjehuis’. E galerie ta 3 minuut di station di trein den centro di Apeldoorn. Tur hende interesa ta bon bini!
Johnnyhabibe-Anchorman 