jeffrey kelly
Oranjestad-Nos a tuma nota cu parlamentario Jeffrey Kelly ultimamente ta blo papia di integridad y hasta kier cuestiona e integridad di nos Lider. Ya cu e tin asina interes riba e tema di integridad, nos ta puntra nos mes ki dia Jeffrey ta bay haci e trabou parlamentario cu Pueblo ta page pe y ta bay durf di cuestiona tur e escandalonan di su colleganan di AVP.
Den e dianan aki ta pata pata di cosnan stranio y poco integro ta pasando na nos Pais y nos ta ripara cu Jeffrey kier desvia atencion y ta blo cuestiona integridad di opositor politico. Pero ta dicon Jeffrey ta “Oostindisch doof” pa tur e escandolanan cu ta pasando den gobernacion na nos Pais? Acaso Jeffrey tin miedo pa cuestiona su colleganan? Ta pakiko Jeffrey kier a bira parlamentario anto? Djies pa cobra un salario gordo? Por ehempel, ta unda Jeffrey a keda pa cuestiona e casoalarmagate na Lotto na unda e casa di su collega parlamentario Croes lo ta envolvi aden? Dicon Jeffrey no ta cuestiona e asunto di segurogate di e studiantenan na Hulanda na unda cu e casa di Minister Michelle lo ta envolvi den dje? Ta kiko a pasa cu Jeffrey no por cuestiona e supuesto vergunninggate cu lo ta envolvi Minister Croes den compra di vergunning? Dicon Jeffrey ta sconde pa no cuestiona Minister Oduber den e asunto di Bushirigate? Na APA tambe tin cosnan stranio ta pasando. Na unda Jeffrey ta pa cuestiona e APAgate den cual e mesun miembro di bestuur ta contratista cu lo mester ta haciendo trabou di demolicion den e area di freezone?
Esey ta e trabou parlamentario cu Jeffrey mester haci enves di ta haci cos di shishi cuestionando e intergidad di hende drechi manera nos Lider di MEP.
Johnnyhabibe-Anchorman 