ORANJESTAD-Despues di algun contra tempo chikito, por fin AVB por medio di cooperacion di diferente stakeholders, a logra pa Marvic Bermudez subi avion cu destinacion Hulanda. E TD di AVB, den e caso aki sr. Bermudez a bay Hulanda pa su persona bai sigui su curso di Trainers Cursus nivel II, esta e asina yama TC-II. E curso aki lo wordo duna door di KNVB kende ta un partner strategico y hopi importante pa AVB. Por medio di e cursus aki sr. Marvic Bermudez lo tin e oportunidad pa core stage na Pec Zwolle cual organisacion ta na di 4 lugar ariba table di posicion di futbol Hulandes. Durante e periodo di curso y stage, sr. Bermudez lo gana experencia ariba tereno technico pero tambe e tereno organisatorio. Hunto cu sr. Epi Albertus kende ya ta na Pec Zwolle, nan lo genera experencia pa asina por contribui grandemente na bienestar di nos futbol di Aruba. Tur esakinan ta danki na diferente partnernan cu ta trahando estrechamente cu AVB, cualnan ta KNVB, Pec Zwolle, COA y Gabinete Mike Eman II. Pa a haci tur esaki posibel, despues cu AVB a ricibi cooperacion di KNVB y Pec Zwolle, AVB a ricibi cooperacion completo di Gobierno di Aruba, por medio di e cabes di e gobierno actual esta Su Excelencia Prome Minister di Aruba mr. Mike Eman, kende cu su perseveransia y dedicashon a logra cu sr. Bermudez por a keda cla cu su asuntonan di trabou localmente tambe. Esaki ta e relacionnan estrecho cu AVB a bin ta predica e ultimo anja y mei continuamente. Directiva di AVB actual ta conciente cu pa bo logra cosnan grandi pa bo pais, incluyendo exito, cu bo mester di ayudo di tur esnan cu por yuda bo di un forma of otro. Pesey awendia AVB ta para mucho mas habri pa discuti cu tur stakeholder, teniendo e bienestar di e deporte semper den mente. Ta pa es motibo aki tambe cu AVB no por keda sin gradeci COA y su Secretaria General, mr. Nicole Hoevertsz, kende semper ta para cla pa duna un man, hasta den momentonan dificil, manera tawata esun di sr. Bermudez como tambe di sr. Albertus kende tin algun luna caba na Hulanda pa su curso di TC I. No por keda sin gradeci minister di deporte y salud, Su Excelencia dr. Schwengle kende tambe a duna un man den e ocacion aki como tambe hopi otro cu a yega di presenta caba. Tambe ta bai un danki na su Excelencia sra. Michelle Hooyboer-Winklaar y por ultimo un danki tambe na tur departamentonan cu ta resorta bou di Gobierno di Aruba manera, Directie Onderwijs, Ibisa y tambe Dienst Openbare Scholen pa nan tremendo cooperacion. Arubaanse Voetbal Bond ta masha agradeci na e tremendo cooperacion di cada stakeholders, sigur ora ta trata di e inversion por medio di cursonan cu AVB ta organisa pa amplia conocimento di cada miembro riba e material aki di futbol.
Johnnyhabibe-Anchorman 