EVELYN WEVER-CROES CU GESTO PA NOS GRANDINAN DI HUIZE MARISTELLA UN FLANEL PA DIA DI BETICO PA TUR NOS GRANDINAN

Posted: January 21, 2015 in Johnny Habibe

T-SHIRT

Oranjestad-E siman aki lider di MEP Evelyn Wever-Croes a bishita Huize Maristella y a regala tur nos grandinan un flanel pa Dia di Betico.

“Dia di Betico ta un dia nacional hopi importante pa nos. No solamente pasobra Betico den felis memoria, mi padrino, tabata fundador di nos partido MEP, sino pa e gran logro di Status Aparte cu nos a conoce. Ta danki na Betico nos tin nos propio gobierno, nos propio Parlamento, nos propio moneda y Banco Central. Posesionnan crucial pa un pais liber manera Aruba. Pero na mes momento posesionnan hopi valioso cu nos mester cuida manera un klomp’i oro. Nos grandinan a lucha hunto cu Betico pa desaroya nos pais, y lucha pa nos Status Aparte. Pesey tur su logronan ta logronan tambe di esnan cu a lucha p’e.

Na Maristella mi a topa cu hopi hende cu tin un aprecio grandi pa Betico; tin hende cu a conoce, y te hasta a bai scol cun’e. Manera sra. Arendsz a bisami, e flanel ta bunita, pasobra tin e cara di Betico cu un sonrisa manera semper nos lo recorde, y su potret ta memey di un curason grandi, cu color di bandera di Aruba, y asina Betico ta biba den nos curason. Palabranan hopi bunita.

Nos grandinan tin un lugar hopi especial den mi curason, pesey ora mi a haya sa di nan celebracion, mi tabata cla pa contribui mesora. Ademas, awendia ta masha poco lugar ta celebra e dia importante aki, y esnan cu ta celebr’e ami lo duna tur cooperacion pa sigi stimula nan pa celebra e dia aki”,  lider di MEP a duna di conoce.

Dirigentenan na Huize Maristella a gradisi Evelyn Wever-Croes pa e bunita gesto, y por a nota cu nos grandinan a keda hopi contento.

ARUBAS 20

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s