Minister Otmar Oduber a elogia inicio di MFA Paradera Vision di Prome Minister yegando den tur bario

Posted: January 21, 2015 in Johnny Habibe

ParaderaMFARendering

Oranjestad-Minister Otmar Oduber, den su calidad di Minister, pero specialmente como habitante di Paradera, a elogia inicio di MFA Paradera y a indica cu vision di Prome Minister ta yegando den tur bario.

El a bisa cu e iniciativa aki di por brinda mas servicio na comunidad, specialmente na esun di Paradera y vecindario ta algo hopi positivo y ta mustra e atencion cu Gabinete Mike Eman II ta dunando na cada un bario na Aruba.

Construccion di e prome Edificio Multifuncional a cuminsa aña pasa na Noord y ya caba esaki ta den un fase basta avanza, awor a yega e turno na esun di Paradera y Minister Oduber ta sigur cu su contruccion lo bay cu e mesun velocidad cu esun di Noord.

E edificio lo bay brinda un espacio agradebel cu diferente servicionan unda cu e usuario por warda pa e wordo atendi of haci uso di e facilidadnan, ya cu lo tin espacio pa les, encuentronan cultural, pa baile, pa musica entre otro. Esaki ademas di por wordo usa como lugar social unda e habitantenan por sinta bebe un copi koffie cu otro.

Minister Oduber a felicita Prome Minister Mike Eman cu e gran oportunidad aki cu ta wordo brinda na bienestar di habitantenan di Paradera y vecindario den e caso aki, pero cu ta expandiendo na diferente bario rond di nos isla, mehorando asina e calidad di bida di nos ciudadanonan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s