SANTA CRUZ — Cu un asombro grandisimo henter pueblo di Aruba por a scucha durante e acto protocolario di Dia di Betico cu Baba Herde ta presidente interino di Parlamento. Mesora tur hende a cuminsa puntra ta ken por a apunta Baba Herde como presidente interino di parlamento, considerando su actitud dictatorial. infantil y hopi vez ridiculo.
Den Parlamento nunca a wordo hasi un proposicion pa Baba Herde bira presidente interino. Na Gobernador nunca a wordo hasi un proposicion pa Baba Herde bira presidente interino, awor cu ki autoridad Baba Herde ta representa parlamento como su presidente?
Mas importante: unda Marisol Lopez-Tromp y Chris Dammers a keda, pasobra nan ta presidente y presidente interino legal di parlamento. Baba Herde ta presidente ILEGAL di Parlamento.
Marisol Lopez-Tromp tur hende sa, cu tin un odio feros contra Betico Croes den felis memoria, y henter su famia. Pues cu Marisol no a duna acto di presencia no ta nada stranjo. Nunca como minister di MEP el’a duna honor na Betico, awor desde AVP sigur cu no.
Cu Chris Dammers tampoco no kier atende y duna honor na Betico, tambe ta bin di e envidia infantil cu Mike Eman ta inculca den su muchanan manda.
Pero pa parlamento degenera su mes di es forma ey pa manda Baba Herde y bisa cu e ta den calidad di PRESIDENTE INTERINO di parlamento, esey si ta un bochorno, un hilaridad completo.
Of apunta Mervin Wyatt-Ras, pasobra apesar cu Mervin ta pretende di tin rabia riba MEP, e si a keda demostra respet pa Betico, y tambe ta atende e actonan protocolario na forma sincero. Mervin si tabata tey di trempan hunto cu su casa na e acto protocolario.
Pero pa nan a hala Mervin un banda y manda Baba, anto miho nan a keda sin manda hende!
Johnnyhabibe-Anchorman 