EVELYN WEVER-CROES: MEP NO TIN CONFIANSA MAS DEN MINISTER DOWERS

Posted: January 28, 2015 in Noticiero 94

evelyn 9

ORANJESTAD – Fraccion di MEP a yama Minister di Husticia Arthur Dowers den Parlamento pa duna cuenta di su maneho pa combati criminalidad cu obviamente ta fayando. Lider di MEP den su discurso a enfatisa riba e inseguridad reinando. “Varios di nos grandinan ta biba na cas di nan yiunan, y hopi famia ta bai traha laga nan grandinan nan so na cas. Pero te hasta esey ta peligroso awendia, si nos mira cuanto anciano ta wordo atraca, ta wordo bati, ta wordo mara te hasta cu tape na man, pia y cara. Pero tambe mamanan ta biba den ansha ora di manda su yiu scol, y ni eynan e ta safe mas. Of ora e bai cinema, como mama ta den ansha bo ta constantemente”.

CIFRAS NO TA WORDO PUBLICA

Lider di MEP tabata hopi critico riba e minister di husticia pasobra e minister no ta publica ningun cifra, tampoco den e Statistical Yearbook 2013 di Centraal Bureau voor de Statistiek. E ultimo cifranan tabata di 2011, cu a mustra cu criminalidad a aumenta cu 70% desde cu gabinete Mike Eman a tuma over. Lider di MEP a puntra minister Dowers:  “Con bo por maneha si bo no tin cifras? Con nos por confia kiko cu e minister bisa si nos no tin cifras? Con bo kier pa nos controla gobierno si no tin cifras? Cu gobierno ta sconde informacion pa Parlamento ta pasa hopi. Cu Presidente di Parlamento mes ta laga gobierno sconde informacion for di nos y get away cune, tambe nos a mira siman pasa ainda cu nos a pidi e hedging agreement di WEB, pero Presidente di Parlamento no a haya necesario pa nos haya e contrato aki.  Pero esaki ta algo mucho peor: gobierno mes no kier publica cifras. Con bo por maneha SIN cifras?

MEP NO TIN CONFIANSA MAS DEN MINISTER DOWERS

Di otro banda, pueblo no mester di cifras pa sinti cu criminalidad ta aumentando seriamente desde 5 anja pasa, y nos pais ta mas insigur cu nunca antes e tawata. Ainda nos por corda un propaganda durante tempo di campanja di AVP, den cual Mike Eman ta Sali tras di un cura manera un salbador y ta bisa cu AVP tin un plan y AVP tin e team. Awe nos por mira cu no tin ni un plan, ni un team!” segun lider di MEP.

Fraccion di MEP a pidi e plan di maneho di minister di husticia na hopi ocasion, pero e minister no a hasi casi di e peticion aki, y sosteni pa e mayoria den Parlamento, nunca a cumpli.

“Atraco ta cos di tur dia, tiroteo tambe ta mas regla cu excepcion. Hendenan ya no ta ni yama polis mas. E gobierno aki deliberadamente a keda sin controla nos fronteranan, y importacion ilegal di arma, di droga y di hende ta wordo facilita, y gobierno no kier hasi nada pa frene. Y ora cu a cuestiona minister Dowers riba esaki, su contesta tawata: ta percepcion di e pueblo ta eroneo! Mientras tanto e minister no ta mustra di ta realisa cu e problema ta serio. E minister tabata tin un actitud masha arogante, y a hasi manera cu tur cos ta bon na Aruba y ta oposicion ta exagera. Nos fraccion no tin ningun confiansa den e minister aki mas y lo elabora mas di esaki ora e reunión continua diahuebs awor. Aruba merece mihor, mucho mihor”, lider di MEP a duna di conoce.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s