Rene Herdé PAKICO NO? Buscando e miho solucion pa desaroyo socio-economico sostenibel!

Posted: February 1, 2015 in Johnny Habibe

Rene Herde

“Pakico no usa e bon reputacion di Hulanda den mundo financiero of e programa di reduci debe di paisnan Europeo cu a caba di cuminsa, pa paga e debe di Aruba na un interes hopi abou (1-2%) y Aruba mes ta paga esaki bek riba un termino largo mescos cu paisnan Europeo. E bentahanan ta grandicimo! E interes riba e pago di debe ta baha di 5.5% pa mas o meno 2%. Aruba ta spaar anualmente mas o menos 200 miyon florin na interes y ta usa esaki pa paga e debe enbez di interes so. Otro bentahanan ta cu e programa di reforma di aparato di gobierno por continua den un ritmo gradual cu no ta afecta servicionan di gobierno, economia of mercado laboral den forma negativo. Otro bentahanan ta cu sector priva ta haya claridad total riba e desaroyo di corto y largo plazo. Esey ta necesario pa nan sigui inverti cu confiansa. Tur e bentahanan aki ta duna stabilidad y trankilidad laboral y social na nos comunidad.” Rene Herdé, lider di fraccion di AVP na palabra. E ta haya cu enbez di crea inseguridad manera oposicion of CFT ta haci, ta miho pa busca solucionnan structural.

MANEHO ACTUAL

E maneho actual di gobierno ta pa gradualmente reduci e deficit riba presupuesto di gobierno y ora yega na e punto di ‘presupuesto balansa’ na 2017/2018, cuminsa baha debe mes. Rene Herdé: “Nos ta sostene e maneho aki. Pero mester haya tur hende den comunidad pa sostene esaki. No solamente den parlamento, pero tambe sindicatonan y doñonan di trabou. E argumento mas fuerte pa sostene e maneho aki ta cu hunto por carga e reformanan structural y evita consecuencianan negativo pa mercado laboral y forsa di compra. Pa nos esey ta essencial. E alternativa ta e cortamento pisa y aumento di belasting pisa cu CFT ta propone. Nos no kier esey pasobra di su consecuencianan negativo. Tin otro alternativanan di maneho tambe. Un alternativa ta pa usa e bon reputacion di Hulanda of e programa di Europa pa reduci debe y stimula economia. Un bentaha grandi pa Aruba cu e programa ey ta cu e pago halto di interes anual di alrededor di 200 miyon florin lo por usa hopi miho y lo por sigui reforma aparato di gobierno sin consecuencianan negativo. No Hulanda, pero Aruba mes ta sigui carga e responsabilidad financiero. E alternativa aki ta disponibel den Reino. Pakico no usa esaki?”

METANAN IMPORTANTE

Ta importante pa mantene e adelantonan cu a haci den ultimo cinco aña riba tereno laboral, forsa di compra, crecemento economico y social. Esakinan ta resultado directo di e maneho di stimula economia y forsa di compra. A scohe pa esaki enbez di corta gasto pisa na momento cu economia y forsa di compra tabata den ‘bom’ y desempleo tabata ‘sky high” na 2009-2011. Tambe mester duna claridad completo na sector comercial con maneho di gobierno ta bay ta den añanan cu ta bin. Crecemento economico ta depende di inversion di sector priva. E proposicionnan di CFT pa corta gasto pisa y aumenta belasting pisa a corto plazo, a crea un inseguridad grandi. Enbez di wak solamente finansa publico, CFT y oposicion lo haci miho pa wak con pa sigura crecemento economico, desaroyo laboral y social stabiel, balansa financiero publico a largo plazo. Solucionnan den Reino pa logra esey tey. Lamentabelmente e encargo di CFT no ta pa haci esey. Lamentabelmente e oportunidadnan cu Reino tin na su disposicion no ta wordo usa optimalmente. E pregunta ta: PAKICO NO?

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s