EVELYN WEVER-CROES FEBRUARI TA E LUNA CRUCIAL PA FINANSAS PUBLICO DI ARUBA  

Posted: February 4, 2015 in Noticiero 94

evelyn new

ORANJESTAD — “CFT a duna gobierno di Mike Eman un deadline di dia 1 di februari pa bin cu un plan elabora tocante e medidanan cu Mike Eman a priminti Hulanda cu e ta bai tuma. Den februari tambe e presupuesto 2015 mester wordo entrega, y esey lo demostra con critico e situacion financiero ta. Y finalmente, den februari IMF ta bolbe Aruba, y lo emiti su rapport final pronto. Di parti di gobierno mes nos no ta scucha nada, pues nos lo mester keda den suspenso atrobe. Tur cos ta mustra si cu Mike Eman ta buscando otro confrontacion”, lider di MEP Evelyn Wever-Croes a duna di conoce.

NOMBRACION NOBO DEN GOBIERNO

Lider di MEP a denuncia cu gabinete Mike Eman ta nombrando cantidad di hende nobo den gobierno, nan ta promoviendo tur hende rond di nan, y ta prolongando e contractnan, siendo cu esey no tabata e palabracion. “Mi a discuti esaki cu sr. van Zwol siman pasa ora mi a reuni cun’e na Aruba, y tambe cu representante di CFT ora mi a topa cun’e siman pasa. Mi no tin problema cu ta yuda esnan cu mester di ayudo, pero no ta asina. Nan ta yudando nan mesun hendenan so, y esnan cu mester di ayudo no ta haya ayudo”.

OTRO WELGA DI HAMBER

Mirando tur locual tin cu tuma lugar e luna aki pa cu e presupuesto, e pregunta cu tin den pueblo ta si tin otro welga di hamber ta vislumbrando. Pasobra Mike Eman no ta parse di a supera e actitud infantil di keda busca problema y pleito cu Gobernador y cu Hulanda. Ta obvio cu e prome minister di nos pais a perde su strea di nort. 

SOLUCION

“Mi ta hasi un apelacion fuerte riba prome minister Mike Eman pa e biaha aki si e comporta su mes manera un gobernante, y no recuri atrobe na e acto infantil di bai den welga di hamber, bebe ensure y yora na television internacional. E cos ey a pone cara di henter nos pueblo na berguensa. Antes Aruba tabata e orguyo den Reino, awe nos ta e berguensa den Reino. MEP ta compromete su mes pa duna e Arubiano e orguyo un biaha mas, di hasi Aruba e orguyo un biaha mas. Cu trabou duro, y responsabel nos lo demonstra Hulanda, Reino y mundo henter, cu nos si por”, lider di MEp Evelyn Wever-Croes a duna di conose.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s