Karel Maduro di MEP: E hulandes a cuminsa bisa: “Een ezel in het nauw maakt rare sprongen”.

Posted: February 16, 2015 in Noticiero 94

karel maduro

Pueblo di Aruba, cu gran asombro mi a tuma nota di un publicacion di sr. Melvin Tromp den e corant partidario di Ayeramainta. Dicon cu gran asombro, pasobra mi ta di opinion cu sr. Tromp no ta un hende di edad hopi avanza cu posiblemente lo ta sufriendo di demencia. Ohala cu esaki nunca lo ta e caso cu su persona tampoco. Pero, como un hende bon na su tino, con pueblo di Aruba por compronde anto, cu sr. Tromp ta culpando sra. Evelyn Wever-Croes y sra. Xiomara Ruiz-Maduro di ta e dos entreguistanan di Aruba su autonomía financiero? Pa yuda sr. Tromp sali for di su halucinacionnan, mester cord’e KENDE a firma e carta pa Hulanda den cual gobierno di Aruba ta bisa “geen bezwaar” cu CFT bin Aruba? No ta sr. Mike Eman? Kende a acepta y pidi Hulanda bin Aruba controla e presupuesto, te cu Juan David Yrauquin a baha na awa, no ta sr. Mike Eman?!? Kende a bisa Hulanda cu ta OK pa controla e presupuesto 2015 tambe, no ta El Angel de la Muerte Financiero di Aruba? Laga nos corda sr. Tromp, si acaso e no sa mas, cu ta AVP ta na mando y cu ta e gobiernonan di Mike Eman 1 y 2, a hinca Aruba den e situacion financiero precario actual, y no otro gobierno! Mester cord’e tambe cu su persona ta un di e 13 parlamentarionan di AVP cu bow di ningun circumstancia a cuestiona, ni sikiera 1 punto so, di tur e presupuestonan di gobiernonan di AVP. Mester cord’e cu su tarea PRIMORDIAL siendo un Parlamentario ta pa defende e interes di e pueblo y di controla gobierno, y no di critica y vigila oposicion den Parlamento. Probablemente, su persona ta ganando un salario di mas cu 10.000 florin pa luna, siendo un LBO-er (lager beroeps onderwijs). Ta cu cuanto mas entusiasmo y animo, su persona lo mester sali na vanguardia di e pueblo di Aruba? Si no ta pa amor pa e pueblo, sikiera pasobra pueblo ta paga sr. Tromp mas di 10.000 florin pa luna y e no tin e nivel di educacion pa merece e salario aki. Niun di dos ta e caso cu sr. Melvin Tromp! Te cu awe, pueblo a paga sr. Tromp mas o menos 530.000 florin na salario, siendo cu su persona no a traha na fabor di e pueblo, sino na fabor di e gobierno di AVP, kende a duplica e debe nacional di pais Aruba door di mal gobernacion, faboreciendo tur e sponsernan di campaña di AVP cu miyones di florin, te cu HULANDA a bin pasa su gobierno un KB (kleste’e burico) pa stop e derochamento di placa di pais Aruba. Sr. Tromp no sa, cu ta menos cu 1.3%  su gobierno a inverti den e pais (klinkers) siendo cu e debenan di e añanan a acumula na alrededor di 4.6 biyon? Pueblo a paga sr. Tromp mas cu 530.000  florin pa haci mahos y ataca oposicion den Parlamento, anto e propio gobierno mes, sr. Tromp no ta bisa nada y ni cuestion’e. Poes lief sr. Tromp ta hunto cu sr. Babatje Herde! Awor, con bo ta kere cu pueblo di Aruba mester sinti contra sr. Melvin Tromp? Su persona tambe ta un cu tin culpabilidad di e situacion financiero, como consecuencia cu  Hulanda via CFT, ta bin pasa e pueblo di Aruba, un MONTON di medida, haciendo Aruba su pueblo mas pober! Pa caba di instruí sr. Tromp den caminda di e berdad, mester bis’e cu e tin cu tene su curason duro contra e posibel AMVRB (e monster KB) di Hulanda, cual lo manda sr. Tromp pa su cas hunto cu e ministernan. Mi ta reta sr. Tromp pa sali bin padilanti y bisa cua biaha su persona a cuestiona gobierno!! Bo tey pa controla gobierno anto hunto cu oposicion y no pa aproba tur deroche di placa, como consecuencia Perdida di e Autonomía Financiero. ABO ta culpabel, anto ricibiendo mas cu 530.000 florin, pa manda Aruba bancarota! Pregunta: Si sra. Evelyn Wever-Croes y sra. Xiomara Ruiz-Maduro no a bay Hulanda, Hulanda lo no a involucra su mes den e asunto financiero caotico di pais Aruba, cu gobiernonan di AVP a causa?

Radio Productions

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s