Minister Otmar Oduber ta explorando posibilidadnan nobo y duradero cu Republica Dominicana Intencion ta pa cuminsa trece fruta y berdura di calidad pero hopi mas barata

Posted: February 24, 2015 in Noticiero 94

IMG-20150224-WA0017

Oranjestad-Minister Otmar Oduber na e momentonan aki ta na Republica Dominicana den un mision economico organiza pa Embahada Hulandes na e pais aki.

E diferente encuentro y reunionnan cu el a sostene ya caba ta mustrando resultadonan sumamente positivo pa loke ta e lazonan comercial entre Aruba y Republica Dominicana.

E mandatario a indica cu a pesar cu no a pusha e mision economico fuertemente na Aruba, tin aproximadamente 6 comerciante for di nos isla presente y nan a mustra hopi interesa mirando cu e posibilidadnan ta grandi.

Aki el a indica cu tin un compania hulandes cu ta opera barco for di Republica Dominicana pa Aruba 2 of 3 biaha pa luna y esaki ta facilita e comercio entre e dos paisnan. Ademas, na april/mei lo cuminsa vuelonan directo cu Aruba Airlines y Insel. Nan lo cuminsa cu vuelonan charter y despues nan lo bira regular.

Minister Otmar Oduber a duna di conoce cu tin un interes grandi mirando e calidad cu Aruba tin y e compromiso di Gobierno Dominicano ta hopi claro pa loke ta e sector primario. Durante e ultimo 2 añanan nan a pone un enfasis hopi grandi riba produccion agricola, a inverti hopi den e sector aki na un forma hopi serio.

Den e cuadro aki Minister Oduber a bisa cu ta purbando di yega na un proyecto piloto na mei venidero cu productonan for di Republica Dominicana. E mandatario a pone como exigencia pa tin consistencia, calidad y cantidad den e productonan cu lo yega nos isla pa un periodo di 3 luna (duracion di e proyecto piloto).

E ta encera cu lo pone fruta y berduranan disponibel na Santa Rosa of na waf chikito of na San Nicolas pa nos hendenan por cumpra fruta y berdura fresco na un prijs razonabel.

Minister Otmar Oduber lo ta yegando diaranson merdia bek na nos isla y lo duna mayor informacion riba e mision economico y e diferente posiblidadnan cu lo por tin di comercio entre e dos paisnan.

Advertise4

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s