Oranjestad-E Marionetista International Bernd Ogrodnik lo bishita Aruba na luna di April pa di dos aña consecutivo. Muchila Creativo, cual ta un fundacion pa promove arte y cultura na mucha te adulto, en colaboracion cu Cede Aruba cu ta financia e projecto, lo tin presentacionnan escolar y pa publico ; tambe lo organisa tayer pa docentenan.
Bernd Ogrodnik di Islandia tin un compania di producion specialisa den traha marioneta, mascara y otro artefactonan (specialmente) pa film y teatro. Bernd a gana un premio International pa innovacion den pelicula di marioneta titula “Strings”.
E ta reconoci mundialmente y e ta biaha rond mundo pa promove su talento.
Ta un honor pa Aruba haya un marionetista asina renombra y pesey Muchila Creativo lo tin algun eventonan di Dialuna 13 di April pa Diasabra 18 di April 2015.
Di Dialuna 13 pa Diabierna 17 di April lo tin presentacionan x pa muchanan di scolnan basico bin experiencia con magico Bernd Ogrodnik su talento ta.
Un yamada ta wordo haci na tur docente of persona cu ta traha cu mucha pa participa den e tayer di calidad duna door di e gran marionetista Bernd Ogrodnik.
E tayer aki ta wordo duna Dialuna 13 di April di 5.00 or pa 8.00 or di anochi na Cas di Cultura y ta costa 25 florin.
Diabierna 17 di April lo tin un presentacion habri pa publico en general pa 8.00 or di anochi y entrada lo ta solamente 5 florin. Danki na Cede Aruba cu ta financia e projecto aki, tur mucha di Aruba tin e oportunidad di experiencia e arte di marioneta riba un nivel sumamente innovativo y di caliber halto.
Pa culmina Diasabra 18 di April, Muchila Creativo lo tin un presentacion x riba Plaza Habibe y eynan e tambe entrada ta 5.
Esnan cu ta interesa pa participa na e tayer por inscribi na e email: muchilacreativo@gmail.com
Johnnyhabibe-Anchorman 