Oranjestad-Director di Departamento Maritimo Carlyle de Coteau a indica cu ta cla pa inicia un periodo nobo pa sector maritimo Aruba.
Manera ta conoci entrante 1 di april 2015 lo cuminsa cu e conbranza na barconan pa haci actividadnan den nos awanan teritorial.
E procedura pa e logra esaki tabata un caminda largo.
Sr. De Coteau a indica cu e proceso aki ta un procedura completamente nobo den Reino.
Ta asina cu ningun partner den Reino ta cobra pa uso di nan awanan teritorial.
E inciativa aki ta uno sigur di elogia Minister Oduber kende a mira e potencial pa establece e ley aki y haci di Aruba un bes mas un ehempel den Reino como e prome cu ta cuminsa cobra pa barconan haci uso di nos awanan.
Sr. De Coteau a splica cu Aruba tin dos pida awa unico den region, cu ta consisti di e transshipment area y e maintanance area. Tambe el a indica cu awor aki cu e introduccion di e ley aki tur cu haci uso di nan lo mester paga pa haci esaki.
E haven en redeverordering ta un ley unico y cu hopi beneficio pa pais Aruba. Esaki ta e oportunidad pa cuminsa un industria y sector economico nobo pa Aruba dentro di e sector maritimo, Sr. De Coteau a bisa.
HIT 94
Johnnyhabibe-Anchorman 