SIMAR cu accion silencioso contra  intimidacion di maestro.

Posted: March 29, 2015 in Noticiero 94

simar

Oranjestad-Sindicato di Maestro di Aruba a haya mensahe cla y raspa di su miembronan y tambe di varios maestro y docente cu ta basta. Maestronan ultimamente ta hayando nan mes mas y mas confronta cu tur tipo di intimidacion y menasa, falta di respet y specialmente ta sinti falta di balor pa nan trabou diario cu ta aporta na formacion di nan alumnonan.

Dia aden, dia afo, maestronan ta duna tur di nan parti pa haci lo mehor pa nan studiantenan. Banda di duna les nan ta haya nan obliga di funhi como trahador social, psicologo, polis, enfermero y asta trahador social, pa e tantisimo casonan cu ta presenta nan nan porta di local. Hopi ta esnan cu ta inverti financieramente for di nan cartera den enseñansa y hera ta un scop nan ta ricibi pa danki. Mirando e tantisimo casonan di maestronan cu SIMAR ta atende a dicidi di lansa un accion silencioso cu ta encera simplemente pa maestronan bisti na preto DIAMARS venidero. Esaki pa demostra solidaridad na esnan cu ta haya nan mes confronta cu intimidacion, abuso y falta di respet na pia di trabou. SIMAR y maestronan ta haya cu e maestro tambe merece proteccion, seguridad na pia di trabou y sosten y guia na momentonan cu e ta den crisis of necesidad di tal.

Maestro, docente, uni na e accion silencioso aki y ban demostra nos malcontento y exihi asina mas respet y balor pa nos trabou.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s