Gerick Croes (MEP) Fraccion di AVP a laga di desea y a hiba un debate mediocre den reunion publico relaciona cu topiconan di enseñansa

Posted: April 4, 2015 in Noticiero 94

GERICK

Den e reunion combina cu a tuma lugar diaranson ultimo relaciona cu topiconan di enseñansa por a conclui entre otro cu 1) mayoria di parlamentarionan Fraccion di AVP a laga docentenan di Aruba cay sabiendo cu a comete un inhusticia cu docente di skol di kudawecha, 2) fraccion di AVP ta indeciso relaciona cu aumento di schoolgeld di SKOA, 3)mayoria di parlamentarionan sosteniendo gobierno (fraccion AVP) no tawata prepara pa e reunion.
Pa cuminsa e ta importante pa remarca cu fraccion di AVP no tawatin interes at all pa trata temanan importante cu ta regarda enseñansa 1) aumento di schoolgeld y e 2) suspension di docente. Contrario na AVP e Fraccion di MEP si for di comienso tawata monitoria y sigui e casonan aki di serca cual a pone cu a pidi tur 2 reunion. Despues cu fraccion a manda un rappel pa e peticion di tratamento di aumento di schoolgeld di SKOA y e manifestacion entrega na presidente di parlamento a dicidi pa jama e reunion un dia despues.
For di e argumento, pruebanan y presentacionan solido treci dilanti door di MEP y for di opinionan general di algun parlamentario di AVP tur hende por a conclui e decision tuma pa suspende e docente tawata uno “out of proportion” ( exagera) y uno cu no a cana su procedura debidamente. Den cuadro di esaki fraccion a presenta dos mocion. E promer tawata pa minister tr‎ek in e carta contra e maestra y permiti e maestra bai traha bek. E segundo mocion tawata encera introduccion di un procedura cla pa tur hende sa kiko pa hasi ora tipo di casonan asina presenta. Lamentablemente fraccion di PDR y solamente un parlamentario di AVP a sostene e dos mocionnan cual votacion a resulta 9 – 11 ( no suficiente) pa ambos.
Pa loke ta trata e aumento di schoolgeld e tawata obvio cu fraccion di AVP tawata indeciso mirando cu a vota contra di e mocion di MEP pa instrui gobierno paga Skoa loke e debe y percura pa schoolgeld NO subi. Na otro banda teniendo bou consideracion cu tratadonan internacional y cu nos leynan ta stipula cu enseñansa basico mester ta gratis fraccion di MEP a presenta un mocion pa Minister hasi e estudionan necesario pa por implementa enseñansa gratis. Algo cu ta poco confuso y mustra indeciso ta cu Fraccion di AVP a rechaza pa gobierno soluciona e problema cu SKOA di inmediato pero na otro banda si a vota pro e mocion di MEP pa enseñansa nivel basico ta gratis.
Loke sigur a desencanta y hasta crea iritacion tawata e debate mediocre cu e parlamentarionan di AVP a hiba. Debatenan tawata parce mas bien opinion general sin base alguno cu a keda falta argumento concreto. Tawata obvio cu documentonan relevante nan no tawatin pasobra ta MEP a comparti esakinan. Parlamentarionan di AVP no solamente a carece di informacion y a hiba un debate mediocre pero tambe a demostra falta di boluntad y determinacion pa soluciona e temanan trata e dia ey. Nos di oposicion sigur ta lamenta cu AVP a laga di desea birando lomba pa e docente en cuestion y tawata hopi indeciso cu e tema di schoolgeld di SKOA Loke nos por informa pueblo ta cu nos di MEP ta comprometi si encaso Minister di Enseñansa no hasi su trabou cu NOS si lo hasi e estudionan necesario pa por implementa enseñansa basico gratis.
ADVERTISE 3

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s