Karel Maduro di MEP: Kico ta e balor agrega di un Minister President verfdo?

Posted: April 20, 2015 in Noticiero 94

mike na panamaKMaduro (1)

Oranjestad-Pueblo di Aruba, hopi biaha un persona durante su añanan di estudio, nan no por saca afor precies, ki profesion e lo kier bay eherce. Hopi mucha ta cambia di estudio durante nan añanan mas avanza den educacion. Esaki ta completamente comprendibel y di aprecia, pasobra na final bo ta bay haya un profesional dedica na trabow y di ta gosa di satisfaccion laboral.

Awor, si bo tabata tin asina gana di a bira verfdo of tecnico, dicon anto bo a perde asina hopi aña  studiando ley, te na bira un kandidaat notaris? Mas ainda, bo ta bira Prome Minister di un pais, eligi democraticamente, danki na bo campaña político asina convincente di bo gana di ta Prome Minister.

Pueblo a kere den bo persona y nan a duna bo nan confiansa pa haci e trabow. Desafortunadamente, e Prome Minister a resulta, cu su pasion no ta pa dirigi e pais sino pa verf solamente!! KICO?? Asina mes, anto esaki no localmente ma asta internacionalmente. Recientemente, su persona ta demostra orguyosamente riba potret, con e por los un bolt bow di un maquinaria na Panama. Segun e PM esaki ta un tremendo logro pa su persona y un promocion como losdo di bolt pa Aruba (Turismo di los bolt).

Pueblo por ta di opinion, cu lo a costa pueblo di Aruba hopi menos placa si sr. Eman a bay traha na un contratista pa salario minimo, anto e ora ey, su persona eherece e trabow di un verfdo of di un mecanico? Consecuentemente, pueblo di Aruba tin cu paga sr. Eman mas cu 15.000 florin pa luna, pa su persona cana verf so y tambe pag’e pa e biaha pa otro paisnan, pa e purba los un bolt.

Kico ta e balor agrega di un Minister President verfdo of mecanico? Siguramente su persona lo a haya un trabow na Marlon Garage of pa desmantela Freezone por nada, manera treci padilanti door di gobierno di Aruba. Loke mester sosode ta cu Parlamento mester bin cu un mocion di desconfiansa den e salud mental di e Prome Minister. Un encuesta parlamentario relaciona cu e pasion pa trabow cu e PM tin. Mester saca afor publicamente, si su persona lo ta mas efectivo como verfdo, tecnico of como un Prome Minister. Esaki ta zona straño, pero mester por duna sr. Eman un ayudo psiquiatrico como muestra di aprecio y respet na Aruba su Prome Minister. E promenan responsabel pa pidi un encuesta parlamentario relaciona cu e salud mental di e Prome Minister, ta e 13 parlamentarionan di AVP. Oposicion tambe mester vota PRO pa dicho mocion. Asina unanimamente Parlamento, mustra aprecio y amor na e Prome Minister, pa yuda conclui, kico ta su pasion berdadero di trabow. Esaki ta un win-win situacion pa pais Aruba. Prome Minister ta sali for di closet mustrando kico enberdad e su pasion (verfmento) y tambe Aruba su finansas publico ta bay drecha door di paga su persona un salario minimo pa verf, na lugar di 15.000 florin pa luna como minister. Finalmente, opinion general ta indica, cu su ruman mayor, ex Prome Minister y tambe “Analista Politico”, tin cu papia cu e Prome Minister actual, p’asina purba saca afor realmente kico ta e pasion di trabow di e Prome Minister, esta di ta verfdo, mecanico of gobernante?

JOHNNYHABIBE

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s