ORANJESTAD – Awe 22 di April, Dia di Mama Tera (Earth Day), ta marca 45 aniversario di locual hopi ta considera e fecha historico di e movimiento moderno pa medio ambiente di 1970. Awe ta un dia special pa inspira concientisacion, proteccion y aprecio pa mundo su naturaleza y medio ambiente. Directie Natuur en Milieu (DNM) kier a uni na e movimiento aki y asina yuda cu concientizacion ariba diferente tema pa locual ta trata nos Mama Tera. E aña aki por ta esun di mas importante pa historia di medio-ambiente segun un articulo ariba e pagina earthday.org, paso e ta esun unda crecemento economico ta uni forsa cu sostenibilidad. E aña den cual lidernan mundial lo pasa leynan comprometedor pa locual ta trata cambio di clima. Aña den cual habitantenan y organizacionnan ta deshaci di e idea di ta dependiente di fossil fuel. Como tambe invercion di tempo, energia y placa den energia alternativa. Tur esakinan por zona difícil y duro pa alcansa pero un y tur sa kico ta na peliger; e futuro di nos planeta y su excistencia. Pesey mester tuma un direccion nobo y uniendo forsa nos por logra.
Historia di dia di MamaTera: E idea di dia di Mama Tera tawata initiativa di senador di Merca pa Wisconsin, Sr.Gaylord Nelson, cu na 1970 despues di tawata testigo di un oil spil grandisimo na California como tambe inspira pa e movimiento anti-guerra, a realiza cu su persona hunto cu concientizacion publico di efectonan di polucion di aire, awa y tera lo por yuda pone e tema di proteccion di medio ambiente ariba e agenda politico. Asina senador Nelson a anuncia e idea di “national teach-in on the environment” na prensa national. E prome Earth Day a yuda na introducion di United States Environmental Protection Agency y diferente leynan manera Clean Air, Clean Water y Endangered Species Acts a wordo pasa. Manera Nelson a bisa na 1970 “it was a gamble, but it worked.”
Kico ABO por hasi ariba dia di MamaTera? E dia aki ta bo oportunidad pa hasi algo pa medio ambiente. Join e movement. Subi algun website informa bo mes kico ta e temanan di importancia, comparti esakinan ariba rednan social cu bo amigonan. Firma e peticion mundial contra efectonan di cambio di clima y combati pobresa, organisa un accion di limpiesa den bario of den bo mesun cura, hasi contacto cu esnan elegi pa tuma accion den cuestion di medio ambiente, usa materialnan recycla, hasi un compromiso pa reduci e uso di enegia of traha un arte pa promove concientizacion di efectonan di cambio di clima. Tambe anos como adulto ta esunnan prome jama pa siña nos muchanan stima nos medio ambiente y nos naturaleza, p’asina ora nan bira grandi nan lo proteha y conserva nos Mama Tera. Si cada un persona hasi algo chiquito esaki lo yuda pa e lidernan local of mundial tuma decisionan importante pa yuda nos planeta. Subi e pagina social di DNM y like nos page, facebook/dnmaruba, tambe bo por bishita nos website dnmaruba.org pa keda altanto di nos esfuerzonan. “It’s Our Turn to Lead”.
THE ANCHORMAN
Johnnyhabibe-Anchorman 