Cupo di Alumno na Scol NO Mester ta Mara na Pago Diabierna ta jega no otro of ta topa den Corte

Posted: April 21, 2015 in Noticiero 94

luigi bergen

Oranjestad-Dialuna 20 di April ultimo a tuma lugar un reunion entre SKOA y un Grupo di Mayor. SKOA a wordo representa pa su Director, sra. Josette Daal y dos trahador den Staf, y e Grupo di Mayor a wordo representa pa sr. Luigi Bergen y dos otro Mayor y Abogado Figaroa. Topico di e reunion tabata re-inscipcion di cada alumno na scol di SKOA. Enespecial pago escolar di 250 florin pa garantisa cupo na dicho scol cu e alumno ta bishita pa aña escolar 2015-2016.

SKOA a indica cu re-inscripcion semper tabata exsisti y cu no ta tur scol tabata aplike. Tur tres mayor, cu cada uno tabata tin tres yiu na scol di SKOA pa mas di diez aña caba, no ta reconoce esaki. Sigur unda cu e re-inscripcion ta mara na cualkier pago. Awor SKOA ta indica cu pago escolar ta pa garantisa cupo di e alumno na su scol pa aña escolar 2015-2016.

Nos a indica cu esaki ta e prome punto cu nos no ta di acuerdo cu ne. Door di esey y silencio di SKOA nos a aserca un abogado. Door cu SKOA no tabata tin su hurista/abogado presente a pidi pa schors e reunion.

Prome cu a schors e reunion nos a puntra pa aclareacion riba entrega di cuenta anual di SKOA di diferente aña. Cuenta annual di aña 2011, 2012 y 2013 ta atrasa y no ta entrega serca Gobierno. Es di 1998 te cu 2010 si ta entrega y mester wordo controla y ‘verrekend’ door di Gobierno.

Na 2014 Gobierno a subsidia 80% di e presupuesto di SKOA y no 90%. Na 2015 SKOA a ricibi un suma di 500 mil florin pa cubri e resto di 10% pa jega na e 90% cu mester wordo subsidia.

Otro topico cu a papia riba dje sin profundisa ta uzo di contribucion di mayor, ‘aircogeld’, leermiddelen y onderhoudsgeld.

A keda palabra cu e reunion ta continua diabierna 24 di April venidero pa 14:00. Nos obhetivo mas importante den e fase aki ta pa garantisa cupo di cada alumno na su propio scol pa aña escolar 2015-2016 separa di cualkier pago. E ora nos por papia riba e cobransa di inhusto di 250 florin.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s