Exitoso Siman di Negoshi Chikito/Mediano ‘SME week’

Posted: April 21, 2015 in Johnny Habibe

???????????????????????????????

Oranjestad – Siman pasa, di dialuna 13 te cu diabierna 17 di april, tabatin e siman di negoshi chikito/mediano (SME week) unda varios topico interesante a ser presenta. E evento aki a wordo organisa pa Facultad Financiero Economico (FEF) di Universidad di Aruba hunto cu Camara di Comercio y Industria (KvK) y a conta cu participacion di tanto empresario como tambe otro interesado.

E orador invita pa e evento aki tabata dr. Richard Weinberger, CEO di ‘Association of Accredited Small Business Consultants’ (Asociacion di consultant acredita pa negoshi chikito/mediano na Estados Unidos). Weinberger tin mas di 30 aña di experiencia como un consultant financiero y di maneho trahando exclusivamente cu negoshi chikito/mediano (SMEs). E ta un lider den e area di negoshi chikito y sa di trata tur clase di problema cu por surgi den un negoshi, como tambe train un empresario di un SME con pa soluciona problema di negoshi.

E programa a inicia dia 13 di april na Universidad di Aruba cu e topico ‘Fraude no por sucede den mi negoshi, bo kier bet?’. Un topico sigur interesante unda participantenan a ricibi tips valioso con pa minimalisa e riesgo di bira victima di fraude den nan mes negoshi, como tambe con pa reconoce señalnan cerca empleado cu intencion di comete tal acto.

Diamars e programa di siman a continua cu un workshop tocante con diversidad grandi den conocimento – den tur aspecto esencial pa operacion di un negoshi – por aporta na crea un negoshi sostenibel riba termino largo. Diaranson anochi dr. Weinberger a presenta e ultimo lectura di e programa titula ‘Baloracion di negoshi, e no ta locual mi a pensa!’ Un bes mas e interes tabata grandi pa asisti na e lectura interesante aki. Apesar di ta trata di un topico bastante profundo, participantenan tabatin atencion constante pa e orador. El a duna un splicacion extenso tocante baloracion di negoshi y puntonan pa tene na cuenta ora evalua balor di un negoshi. Ariba tur 3 anochi dr. Weinberger a regala algun participante e buki yama ‘Propel Your Small Business to Success: Accelerated Actions to Maximize Profit’, di cual su persona ta e autor.

Como parti di e programa di siman, dr. Weinberger a dirigi su mes na publico en general a traves di e programa di television ‘Nos Mainta Positivo’ cu ta ser presenta tur diahuebs mainta na TeleAruba. Den e edicion aki a dedica un parti special na e ‘SME week’ y asina a brinda e oportunidad na un publico mas amplio pa scucha algun conseho di dr. Weinberger. Aki el a menciona entre otro cantidad di situacion cu por trece preocupacion cerca doñonan di SMEs.

Como clausura di e siman di negoshinan chikito/mediano, a tuma luga riba 17 di april algun consulta priva cu dr. Weinberger. Varios empresario a haci uso di e oportunidad unico aki pa haci pregunta na dr. Weinberger y ricibi consulta personal riba nan situacion specifico.

Tanto KvK como FEF ta sumamente contento cu e siman exitoso aki y ta agradecido na dr. Weinberger pa su gran aporte na e siman di negoshinan chikito/mediano. Un palabra di gratitud y aprecio ta bai tambe na un y tur cu a participa na e sesionnan aki, cu sigur tabatin un balor agrega pa nan negoshi, y ta spera di conta cu nan presencia durante proximo eventonan.

E presentacionnan y e transmision di dr. Weinberger ta accesibel riba nos website:

http://www.arubachamber.com

ARUBAS 20

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s