Maestra suspendi Suki Croes a bolbe den su klas na Scol Kudawecha cu su muchanan.

Posted: April 21, 2015 in Noticiero 94

Kudawecha -3

Oranjestad-Dialuna ultimo e maestra  cu a wordo suspendi na Scol Kudawecha a bolbe scol awe mes. Den e siman di 20 maart e maestra a wordo suspendi pa minister Hooijboer-Winklaar debi na un keho di un mayor y un grabacion cu e mayor a hasi di un conbersacion. Aparte di e suspension ey, e maestra a wordo sanciona cu 4 sancion parew. E problema aki a hala atencion te hasta di Parlamento cu a debati 16 ora dia 1 di april. Durante e reunion tabata bisto cu e asunto aki ta algo hopi personal pa e minister Hooijboer-Winklaar pasobra ni cuanto su mesun coleganan a mustre cu el’a comete un eror grandi, e minister no kier a tende. Sinembargo e minister despues a reconsidera parcialmente y a dicidi di elimina e suspension, pero no kier a retira e carta di sancion y a insisti cu ta sigi menasa. E maestra mientras tanto a entama un caso contra e minister pasobra e ta sinti cu e no a hasi nada malo y a wordo trata inhusto. Un sentimento cu Parlamento di Aruba, e studiantenan y nan mayornan, y e gran mayoria aki na Aruba tambe ta sinti. Pesey mayornan a bai yama e maestra un bon bini dialuna despues di scol, y a combersa cu prensa. Studiantenan y nan mayornan a duna di conose cu nan ta hopi contento cu e maestra tey bek y nan ta hopi contento tambe cu e maestra a sigi bringa su caso, pasobra loke a pasa cun’e ta hopi inhusto. No por ta asina cu e minister ya a sanciona e maestra, anto despues ta cuminsa investiga. Ademas ta trata di un keho basa riba un grabacion ilegal cu e minister no kier a laga ningun hende scucha. Finalmente ta trata di un mayor cu tabata tin problema den tur otro klas cu su yiu tabata aden. E maestra en cuestion a haya hopi sosten di e studiantenan, mayornan, colega docente, y SIMAR. Awor cu su caso a keda entrega na corte y tur cos ta den man di hues y abogadonan, e maestra por bai traha bek y dedica su mes completamente na su studiantenan.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s