MINISTER MICHELLE HOOIJBOER-WINKLAAR WRONG AND STRONG Investigacion despues di duna sancion no ta pas den nos sistema legal!

Posted: April 23, 2015 in Noticiero 94
Evelyn Croes
ORANJESTAD — Durante conferencia di prensa di MEP varios miembro di prensa a hasi lider di MEP e pregunta kiko e sa di un investigacion cu Minister Michelle Hooijboer-Winklaar lo ta iniciando contra maestronan di Scol di Kudawecha.
Lider di MEP Evelyn Wever-Croes a duna di conose cu e no sa di esey, sinembargo si ta asina, e ta haya e desaroyo aki masha stranjo si. Pasobra no por ta asina cu e minister supuestamente a ricibi un keho di un mayor, un keho cu ningun hende a mira te dia di awe. Ademas supuestamente e minister mes a laga hasi un investigacion, algo cu tampoco ningun hende a mira te dia di awe. Y a base di esey e minister a duna e maestra 4 sancion, entre otro pa suspende. Anto ta resulta cu ta awor numa e ta bai cuminsa investiga? “Como hurista mi por bisabo cu e cos aki ta full fout, ta fiesta ami lo a hasi cu esaki si mi mester defende un caso asina. Bo a condena e persona, y despues bo ta investig’e! Esey den nos sistema legal simplemente no por. E minister ta mustra un biaha mas cu e ta WRONG AND STRONG y hues lo bis’e esey tambe. Pero enfin, ami no ta atende cu e aspecto huridico ey. Ami ta contento cu nos esfuerso den Parlamento a pone cu e maestra a bai traha bek y cu e muchanan tin nan juffrouw bek manera nan a pidi. Mi ta hopi contento tambe cu e maestra ta bringa su caso, pasobra esaki ta un inhusticia cu e no por acepta, y mi ta desea henter e equipo di Scol Kudawecha hopi exito. Ohala awor trankilidad por reina atrobe, den beneficio di e studiantenan y maestronan na e scol. Pero sinceramente, si mi ta tende awor cu e minister ta bai cuminsa otro investigacion, mi ta duda cu e intencion di e minister ta pa trankilidad reina na e scol. E cos aki ta parse un persecucion di parti di e minister na un nivel hopi personal, wrong and strong”, Evelyn Wever-Croes a duna di conose.
ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s