Karel Maduro di MEP: Ansha di morto politico ta mal cos

Posted: April 24, 2015 in Noticiero 94

KMaduro (2)

Oranjestad-Pueblo di Aruba, mas bo purba compronde e ponencianan di sr. Herde, mas confundi bo ta sinti bo mes cu e realidad. Sr. Baba Herde ta mescos ora bo tin cu trata cu un bol di hilo bruha! Segun sr. Herde, gobierno di AVP ta bezig cu un reforma structural enbez di medida. Aki sr. Herde, keriendo cu e pueblo di Aruba no por skirbi nan nomber, ta purba despista e echo cu su gobierno ta implementando un monton di medida riba lomba di e pueblo. Dia 19 april ultimo, a sali publica den prensa cu  Minister President Eman a comenta cu e prome reaccionnan riba presupuesto 2015 tabata positivo; a tuma hopi medida y hopi paso, pero CFT a expresa cu nan tin duda den forma cu gobierno kier yega na e balanced budget y si e medidanan cu a tuma por ta suficiente pa logra e meta. Awor, si e propio  Minister President ta menciona e palabra medida, dicon e lider di fraccion di AVP den Parlamento tin cu trece otro storia pa e pueblo di Aruba? Sr. Herde mester tin un grabbelton for di cual e ta coba cada biaha otro palabranan manipulativo pa e palabra medida!

Segun e carta di CFT di dia 10 april ultimo, ta 24 medida tin menciona den e presupuesto di pais Aruba pa 2015. Pa colmo, ta mas critica cu elogio e gobierno di AVP a haya for di CFT. Sr. Herde simplemente ta insulta e pueblo di Aruba, trociendo e berdad di cu SU gobierno a implementa medidanan.

Laga nos analisa un rato dicon CFT ta bisa cu e MEDIDANAN di gobierno di AVP no ta suficiente. Uno, cu excepcion di e 170 miyon cu gobierno a inyecta den APFA na 2014, e presupuesto 2015 ta identico na esun desastroso di 2014. E presupuesto 2014 a wordo descualifica prome cu CFT a duna ordo pa incorpora e 170 miyon. Pues, cu of sin e 170 miyon, e presupuesto 2014 tabata un flop, un fracaso. Pa motibo di tempo, Hulanda a instrui sr. Gobernador pa firma esaki numa, despues di a incorpora e 170 miyon florin. Awor, e resultado di 2015 ta sali negativo 183.3 miyon. Pero den esaki tin hopi asunto cu no ta cuadra cu realidad, pa cual motibo CFT y Raad van Advies a desbarata y keur af e presupuesto 2015 completamente. Si e presupuesto di 2015 ta hole mesun stinki cu esun di 2014, pueblo ta kere cu gobierno, lo no haya e mesun reprimande (scual) cu e mesun gobierno a haya for di Hulanda na 2014? Ami ta kere mas pio ainda! Pasobra pa malo bo a bolbe haci e mesun fechoria y ple kens manera bo no sa di nada! Gasta fondonan publico di manera descabeya y favoreciendo sponsernan di campaña politico di AVP. Pesey sr. Herde tin cu bin padilanti y gaña pueblo cu nan no ta pusha medida den curpa di e pueblo. Ora cu e golpi bin for di Hulanda (AMvRB of e Klestee di Baca) AVP ta gaña muri y bisa pueblo cu ta Hulanda ta esun malo y no gobierno di AVP.
Un hende tin cu sali padilanti y desenmascara tipo di gobernante asina. E ta uno manipulativo, vil y malvado contra bon gobernacion di e pais. Asina sr. Baba Herde ta mustra cu e ta, bes tras bes cu su declaracionnan troci y insolente. E dia lo yega cu e palabranan di sr. Herde lo core su tras y tir’e cu piedra pa motibo di e manera abusivo cu el a uza nan. Un cos ta sigur, esaki ta muestra di e ansha di morto politico di e partido AVP, vocifera pa nan líder di fraccion den Parlamento.

TOP20-2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s