Rene Herde’ na miembronan di oposicion: SI BO TIN CUMPRADO PA E REFINERIA PURA HIB’E SERCA E BENDEDOR

Posted: April 24, 2015 in Noticiero 94

Baba4

Oranjestad-Atrobe y pa di tanto biaha ta tende miembronan di oposicion ta bisa cu nan tin cumprado pa e refineria. Nan ta acusa gobierno di Aruba di no kier coopera. Nan kier crea e impresion cu ta gobierno di Aruba no kier pa bende e refineria. MEP y PDR kier hunga cu sentimientonan di pueblo y crea un discucion riba reapertura di e refineria. MEP y PDR ta hasta bisa con importante e refineria ta pa economia di Aruba. Rene Herde, miembro di Parlamento di Aruba pa e partido AVP a para keto na e gritonan aki di MEP y PDR. Rene Herde’: “Den oposicion tin hopi hurista. Mi kier un di nan splica nos ta con bo por bende algo cu no ta di bo”. Cu esey Rene Herde a referi na e critica di MEP y PDR cu gobierno no kier bende e refineria. Rene Herde’: “Niun gobierno por bende propiedad di un ciudadano of un compania priva. E refineria ta di VALERO. E no ta di gobierno di Aruba. Loke si gobierno di Aruba por haci ta trece cumprado y bendedo hunto y crea e condicionnan mas favorabel posibel pa un compania cumpra e refineria y habri’e di nobo. Esey gobierno di AVP a haci cu e refineria por a habri atrobe na 2010 despues cu ela sera bou di gobierno di MEP pasobra gobierno di MEP tabata kier mas placa. Pero ora mester a aproba e acuerdo pa e refineria bolbe habri henter e fraccion di MEP a critica e acuerdo, a bisa cu ta regala Valero miyonnan y tur miembro di MEP a vota contra di e acuerdo pa habri e refineria. E lider di MEP a hasta bandona e sala prome cu a vota. Asina importante e refineria y su trahadornan tabata pa MEP. Nan grito di awe ta pesey nada otro cu hypocresia politico.”

IMPORTANTE

Sin duda e refineria ta di sumo importancia pa economia di Aruba. E ta emplea directamente y indirectamente mas o menos 1500 hende cu bon salario. E tabata produci mas cu 200 miyon florin extra na entrada pa gobierno. Comercio na Aruba tabata tin hopi benta na e refineria. E refineria tabata contribui cu 12% na GDP di Aruba. Pero tur e informacion aki tabata conoci pa henter e fraccion di MEP ora nan mester a vota pa e reapertura di e refineria na 2010. Tog henter e fraccion di MEP a vota contra di e acuero pa e refineria habri. Awe nan gritonan pa mustra con importante e refineria ta, ta nada mas cu hypocresia politico.

94 Class

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s