Rene Herde’ UN REFENERIA SERIO Y PA LARGO TEMPO SI. SI NO MESTER SIGUI CU PLANNAN NOBO

Posted: May 11, 2015 in Uncategorized

Cervais Rene1

Oranjestad-For di aña 2009 ta partido AVP a haci tur esfuerso pa bolbe habri e refeneria. Esey a logra tambe despues di hopi deliberacion cu e compania Valero na 2010. Ta di lamenta masha masha hopi cu e refeneria a bolbe sera n 2012 pa motibo cu e no por a competi mas cu otro refenerianan moderno y cu ta produci mas barata. For di e dia ey na 2012 tanto gobierno di AVP como miembronan di parlamento di AVP, a busca tur forma pa bolbe habri e refeneria. A biaha bay Venezuela, Brazil, Mexico, Colombia, Merca, Trinidad y a ricibi un cantidad di compania cu a bisa di ta interesa. E compania PETROCHINA tabata uno serio, pero cu na final tambe no por a yega un acuerdo. Rene Herde: “Si tin un compania cu kier inverti y opera e refeneria pa largo tempo, sigur e ta bon bini. Awor mas cu nunca nos kier e actividad economico importante aki. Pero si no ta trata di un compania serio, anto Aruba no por core riesgo di un “cara abou” atrobe. Si no por haya un compania serio, anto ta miho pa sigui cu e plannan pa habri otro industria y otro actividadnan economico nobo riba e tereno di e refeneria. Aruba no por sigui warda y perde oportunidadnan nobo. Esey lo ta irresponsabel.” Asina Rene Herde a bisa.

COMPANIA SERIO

Ora papia di un compania serio mester splica ta kico kier men. Den e debate den parlamento siman pasa e lider di fraccion di AVP a exigi di partidonan di oposicion pa bisa kico nan ta exigi di un compania cu kier habri y opera e refeneria. Pa tur hende su sorpresa niun di e dos partidonan, ni MEP ni PDR a bisa kico lo exigi di un compania nobo. Esaki ta masha masha peligroso, pasobra e ta nifica cu nan ta dispuesto pa accepta cualkier compania cu bisa cu nan por opera e refeneria, pa kisas aki algun luna bolbe dal porta sera y laga Aruba cu e consecuencianan. Ta netamente esaki ta loke e fraccion di AVP kier evita! Pa fraccion di AVP un compania serio lo mester tin hopi experiencia den operacion di refeneria. E mester tin experticio, azeta crudo pa hopi aña y hopi placa (= biyonnan di dollar) pa inverti y keda inverti den e plantanan di e refeneria. Un compania mester sigura cu e tin un fluho constante di crudo pa refina.  Un otro temor ta cu tin hopi compania cu djies kier e waf y e tankinan pa haci “transshipment”. Nan no ta interesa den e refeneria mes. Si ta esey ta e caso, anto Aruba mes lo por haci esey. Nos tin suficiente hende cu experiencia pa haci esey.

DIALUNA

Dialuna mainta lo tin e reunion yama door di sr. Bikker di PDR riba e tema aki. Den e reunion aki lo bay scucha sugerencianan di sr. English cu a yega di traha na Aruba y un compania cu ta bisa di por opera e refeneria. Parlamento lo scucha nan y envestiga si nan ta cuadra cu e exigencianan di un compania serio. Pasobra nos kier un refeneria serio y pa hopi aña. Pero nos no kier pa ningun hende bin “dal nos un para” y laga nos cu tur mal consecuencia. Esnan cu coopera cu algo asina lo wordo teni responsabel pa esaki tambe!

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s