Hobennan hopi interesa den e competencia hubenil Gang di Arte den su di 9 edicion Mas di 152 hoben inscribi pa forma parti di Gang di Arte 2015

Posted: July 13, 2015 in Noticiero 94
????????????????????????????????????

????????????????????????????????????

Oranjestad-Pa e ultimo 9 añanan tin un programa pa hobennan entre 14 pa 21 aña bou auspicio di Departamento di Cultura, yama Gang di Arte. Un programa cu a bin ta desaroya y a bira un di e competencianan mas anticipa pa hobennan especialmente den temporada di vacacion. E programa ta encera un candtidad di tayer riba e diferente disciplinanan di arte y ta culmina cu un competencia. E participantenan ta hobennan cu tin talento, ta creativo y activo riba tereno di arte visual, video, potret, arte di palabra, literatura, baile, deporte creativo, DJ, musica, moda, multi media y teatro. E aña aki e programa ta inicia cu un grupo di 152 hoben cual mayoria ta multi talentoso. Varios di e hobenan a scohe pa participa pa desaroya nan talento y otronan a dicidi di bolbe participa mirando e experiencia unico cu nan a pasa aden e tayer anterior.

Pa 2015 a dicidi di uni forza cu un programa popular di Popcorndancers yama “Dream, Dare, Do” unda pa e prome siman di Gang di Arte, e propio talentonan di Popcorndancers lo pasa nan conocimento na tur e participantenan di Gang di Arte. Combersando cu e lider di Popcorndancers, Sr. Freddy Tromp, cual ta sumamente entusiasma pa e programa, ta mira un bon oportunidad pa tur cu ta participa. Sr. Tromp ta bisa: “E hobennan di Dream, Dare, Do cu e programa aki ta siña den practica maneho di liderasco y esnan cu ta participa den Gang di Arte ta ricibi technicanan pa desaroya nan talento mihor.”

E motornan grandi tras di Gang di Arte tanto Sr. Freddy Montoya y Sra. Julie Emerencia ta cla pa ranca sali cu e programa di 2 siman. Den transcurso di e añanan di Gang di Arte a mira masha hopi hoben desaroya den artistanan reconoci riba nos isla riba diferente disciplina di arte. Sr. Montoya ta comenta “Tin varios hoben cu a gana premionan den otro competencia y ta bolbe Gang di Arte pa sigui traha riba nan talento of pa explora otro talentonan. No tin nada mas satisfactorio di juda nos futuro artistanan.”

Gang di Arte sigur tin un atencion special pa e Ministerio di Cultura. Recientemente a sinta hunto cu e organisadornan pa ta na altura di e ultimo desaroyo di e programa. Minister Oduber ta bisa: “Nos kier mira e competencia aki bira un competencia nacional, unda henter nos comunidad tin e oportunidad pa difruta di e talentonan grandi cu nos hobennan tin.” 

Otro aña Gang di Arte ta cumpli su di 10 aniversario. Ta invita henter nos comunidad pa sigui e programa di serca atraves di nos medionan di comunicacion. Gang di Arte ta incia e siman aki y ta culmina cu un competencia grandi dentro di dos siman.

RADIO SPOTS

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s