Gerick Croes (MEP) Gabinete Eman ta cabando cu e salud di pueblo y ainda kier implementa eigenbijdrage! 

Posted: July 16, 2015 in Johnny Habibe
Gerick Mep
Oranjestad-Ta di lamenta cu mal maneho financiero ta afectando tur cos di nos pueblo hasta su salubridad. Semper cu tin un aumento y den e caso specifico aki di BAZV Gabinete Eman y Fraccion di AVP ta defende aumento y hustifike pasobra segun nan e ta pa garantisa salubridad pa nos hendenan. Loke nan no gusta papia di dje ta e diferente medidanan cu poco poco ta bai caba cu e salud di un pueblo.
Pa cuminsa gobierno a laga AZV cuminsa tuma medida hopi trempan caba y na un manera hopi scondi. AZV a downgrade e tiponan di remedi cu aseguradonan tin custumber di dje na remedinan generico. No ta un pero varios persona ta expresando cu nan curpa no ta tur ora ta bai cu e cambionan di remedinan aki y ta bira juist malo enbes di mehora.
Realidad ta cu Gabinete Eman a subi prima di AZV cu 2% na 2011 y a subi BAZV cu 2% ( dec 2014 y juli 2015) . Pa corona e obra pacientnan ta haya sopresa ora di bai botica cu nan mester paga pa remedi! Pesei e ta incomprendibel cu Minister di Salubridad ainda kier papia di cobra extra pa cierto servicio medico of medicamento! Acaso Gabinete Eman no ta castigando pueblo cu suficiente medida caba? Den e comunicado no tawatin claridad di kiko segun e mandatario ta cai bou “eigen bijdrage”. Ta motibo suficiente pa splica pueblo ta kiko mas bo ta bai saca for di dje! 3 florin pa cada remedi receta? 50 florin pa huisartsenpost? Of 159 florin na eerste hulp? Cual remedi lo no wordo segura/ cubri mas pa AZV?
Hecho ta cu si corta den cierto remedi e lo afecta salud di hende. Si bo cobra pa medicamento bo ta hasi placa un barera pa e cuidadano por recupera su salud. Minister den su declaracion a bisa cu lo bai pone prijs riba cada remedi pa pueblo ta mas conciente di cuanto e ta gasta. Loke si e no elabora riba dje ta cuanto ta e biahanan cu ta retene miles di florin na prima di AZV y paga delaster un aumento di BAZV pa despues tende cu bo mes mester cubri bo remedinan of paga contribucion extra! A para bira cu tur ora Gabinete Eman kier saca di pueblo mientras no ta hasiendo e ehercicionan necesario pa baha gastonan otro caminda.  Un cos ta sigur e pensamento y accion riba eigenbijdrage aki ta un acto burdugo!
RADIO SPOTS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s