Rene Herde’ AREGLO DI CONFLICTO TA TEMA PRINCIPAL RIBA AGENDA DI REUNIONNAN INTERPARLAMENTARIO NA SINT MAARTEN

Posted: December 27, 2015 in Uncategorized

Baba8

Johnnyhabibe.net- E tema principal riba agenda ta e tema cu Aruba tin hopi aña ta boga pe, pero cu te awor Hulanda ta nenga di coopera pa regla. Esta pa crea un forma legal pa trata diferencianan di opinion y conflictonan entre paisnan di Reino. E asina yama “geschillenregeling”. For di aña 2010 e miembronan Juan David Yrausquin y Rene Herde’ di Aruba a presenta un mocion den Parlamento Hulandes pa crea un organo di Reino pa atende cu diferencianan di opinion riba asuntonan di Statuut di Reino y pa intermedia y si mester hasta dicta sentencia den caso di conflicto entre paisnan di Reino. Na hopi ocasion e miembronan di e fraccion di AVP den e delegacion di Aruba a enfatisa e importancia pa crea un organo independiente (-manera un corte di husticia-) pa atende e asuntonan aki. E conflictonan cu a surgi despues na Corsow, na Sint Maarten y na Aruba door di intervencion Hulandes den asuntonan interno di e paisnan aki, a mustra riba e importancia di tin un organo independiente di politica, pa atende cu e conflictonan aki.

2015-2016

Den e reunionnan inter-parlamentario na mei 2015 na Den Haag, a yega na un acuerdo entre tur cuatro delegacion di e cuatro parlamentonan. E acuerdo aki a fiha e cuadro legal di e areglo cu mester a wordo crea. Sinembargo apenas un luna despues a resulta cu Hulanda no a tene su mes na e acuerdo. Parlamento Hulandes no a defende e acuerdo cu nan a sera cu Aruba, Corsow y Sint Maarten y Gobierno Hulandes no kier a papia didje mes.  Rene Herde’ ta un di e miembronan di Parlamento di Aruba cu durante tur e añanan den Parlamento ta boga pa e areglo aki na nivel di Reino. Rene Herde’: “A tuma Aruba 40 aña pa logra su Status Aparte. Nos kier pa e areglo aki bin mas lihe posibel. Pero na Aruba nos a siña di experiencia cu e Hulandesnan ta actua poco poco y  solamente ora no tin riesgo pa nan. Kier men cu nos mester sigui insisti cu argumentonan racional pa realisa e areglo di conflicto. Nos kier regla esaki lihe pa preveni consecuencianan negativo manera nos a wak na 2014 ora Hulanda a causa stagnacion di nos economia cu su intervencion. Pero nos ta prepara tambe pa un lucha largo. Na Sint Maarten nos ta bay wak pa nos haci otro paso padilanti pa  yega mas serca di un areglo. Pero e ta depende di boluntad y madurez politico di tur cuatro parlamento.” Asina Rene Herde’ a bisa den cuadro di preparacion pa e reunionnan di otro siman na Maarten.

adv-hit94fm

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s