Rene Herde’
Johnnyhabibe.net – Otro siman e reunion bi-anual entre parlamentonan di Aruba, Curaçao, Sint Maarten y Hulanda ta tuma luga na Sint Maarten. Entre dianan 4 y 8 di januari e reunionnan lo tuma luga. Riba e agenda tin un cantidad di tema cu e cuatro parlamentonan hunto a scohe pa papia didje. Entre e temanan riba agenta tin e tema di cooperasion economico entre e cuatro paisnan, e posibilidad pa biaha entre Aruba, Corsow y Sint Maarten cu un carchi di identificacion oficial (=ID of Cedula), e posibilidad pa crea un area di “roaming” comun via internet, e problemanan cu studiantenan tin durante di nan estudio na Hulanda. Tambe tine temanan ‘pisa’ manera e conseho di Raad van State riba intervencion di Hulanda den asuntonan di Aruba, Corsow y Sint Maarten y e ‘areglo di conflicto’ (= geschillenregeling) cu Aruba tin ya hopi aña ta boga pe.
E reunionnan ta tuma luga dos biaha pa aña. Un biaha na Hulanda y un biaha na un di e tres paisnan Aruba, Corsow of Sint Maarten. Durante di e siman aki lo duna mas informacion riba e reunionnan aki. Ora bolbe lo duna informacion detaya di e reunionnan.
Johnnyhabibe-Anchorman 