Johnnyhabibe-Anchorman

ORANJESTAD – Departamento di Impuesto ta participa cu su orario di servicio na publico lo ta diferente diaranson dia 30 di december 2015. E cambio di orario ta conta tanto pa e seccion di servicio pa cliente como e seccion di servicio di caha. Aki ta sigui un skema.

Departamento di Impuesto ta informa su clientenan cu tin e obligacion di haci declaracion di winstbelasting 2014 cu por entrega e declaracion di winstbelasting normal durante dia na cualkier kassa te cu 14:30 y despues di esaki por entrega e declaracion di winstbelasting y haci e pago correspondiente (solamente cu cheques) te cu 15:30. Ta pidi tur cliente cu yega despues di 14:30 pa acudi na nos balie di recepcion na nos oficina principal na Camacuri.

Alabes Departamento di Impuesto ta informa cu su oficina lo ta sera riba diahuebs dia 31 di december 2015.

Departamento di Impuesto ta pidi su clientenan pa tuma bon nota di e cambionan menciona pa evita cualkier inconveniencia. Entrante dialuna dia 4 di januari 2016 Departamento di Impuesto lo continua cu tur su servicionan manera custumber.

Departamento di Impuesto ta desea pueblo di Aruba un felis y prospero aña 2016 y ta gradici su clientenan pa e cooperacion y confianza durante aña 2015.

Gerencia di Departamento di Impuesto

29 di december 2015