ORANJESTAD – Nos ta yegando e ultimo momentonan di aña 2015, y e temporada aki no por ta completo sin e klapchi, vuurwerk y e pagara. Sin embargo ultimo anjanan a sucede accidentenan serio especialmente serca muchanan, cy ta pone cu tur hende mester ta mas cauteloso.
Lider di MEP Evelyn Wever-Croes kier manda un mensahe di cautela cu klapchi. “Mi kier hasi un apelacion fuerte riba mayornan, pa por fabor sea hopi cauteloso cu uso di klapchi cerca nos muchanan. Vuurwerk por ta bunita, pero e por ta peligroso y causa daño pa bida largo.
Den e temporada di klachi aki, corda tambe di cuida oido di nos muchanan, pasobra sonido demasiado fuerte por causa daño na oido di nos muchanan. Ban tin e cautela necesario pa asina un y tur por gosa di un ciere di aña sin tin cu lamenta un accidente cu klapchi. Y pa asina un y tur por habri aña den felicidad y harmonia familiar”, Evelyn Wever-Croes a duna di conose.
Johnnyhabibe-Anchorman 