Johnnyhabibe-Anchorman

Oranjestad- E no por ta coincidencia of mala suerte pero mas bien e tin di haber cu e hecho cu Gabinete Eman mes ta gusta deal cu hende cuestionabel. Banda di esaki Gabinete Eman y muy en especial Minister Mike Eman no ta tene su mes na e acuerdonan y e supervicion financiero di CFT cu nan mes a boga pe. Cu e manera di goberna aki door di tene man cu hende cuestionabel y no tene su mes na acuerdonan, Gabinete Eman ta atacha integridad y credibilidad di Pais Aruba.

Integridad di gobernacion

No ta un biaha, pero ta diferente biaha caba ta sali na cla cu Ministernan di Gabinete Eman ta tene man y deal cu hendenan cuestionabel. Asina nos ta haya e relacion di Minister Eman cu Kiko Gomez, e gobernador di miedo di La Guajira cu ken Minister Eman kier a traha un hub aereo pa e negoshi di fruta y berdura. Pero despues di yen di brasamento y fiestamento na e fiesta di hacimento di aña di ex Minister Balkenende na Aruba, ata husticia na Colombia a encarcela Kiko Gomez bou sospecho di asesinato, contrabanda y narcotrafico. Tambe nos ta haya e negoshi di strawberry na unda cu Minister Oduber a deal cu e criminal Span Ospino, kende a tira atraco den dia cla den zona turistico y kende a bay sera pa contrabando di arma. Condenabel ta cu Minister Oduber a manda paga e criminal aki 11 mil dollar di placa di Pueblo pa un proyecto cu nunca a mira luz di dia. Djey nos ta haya El Pollo Carvajal kende mester a bira Consul di Venezuela na Aruba y tabata wordo busca pa husticia Mericano bou sospecho di narcotrafico liga na FARC. Y ultimo aki ta e escandalo cu Roberto Rincon, amigo di El Pollo, y menciona den prensa internacional como bon amigo di Mike Eman y Mike de Meza kende husticia Mericano ta busca bou sospecho di labamento di placa y soborno. Tur e casonan aki ta atacha e integridad di e Ministernan di Gabinete Eman y cu esaki ta atacha e integridad di gobernacion y e bon nomber di nos Pais.

Credibilidad financiero

Mal gobernacion di Gabinete Eman a pone cu nos finanzas publico a bay full for di balansa y cu esaki e credibilidad financiero di nos Pais ta bay perdi. E situacion a bira asina malo cu hasta bou di supervicion financiero di Hulanda nos Pais mester a bay pa no perde cara internacional y core cu inversionista potencial. Ta Minister Eman mes a boga pa e supervicion financiero door di sera acuerdo cu CFT y bin cu norma financiero den Ley di CAFT y awor no kier cumpli cu su mesun palabra. Gabinete Eman ta haci deshaci y laga tur conseho di CAFT un banda, coriendo e risico di haya un otro KB di Conseho di Minister di Reino. E manera di anda aki di Minister Eman ta atacha e credibilidad financiero di nos Pais y ta pone Pueblo su cara na berguensa.

Pueblo mester boga pa hende integro den gobernacion

E ta simpel, pa nos Pais por progresa, Pueblo mester boga pa vota pa hendenan integro drenta gobernacion di nos Pais. Pasobra tanten cu Gabinete Eman keda na mando, e bon nomber di Aruba lo keda wordo atacha door di dealnan cu hendenan cuestionabel y nos credibilidad financiero lo bay perdi na mal gobernacion di Gabinete Eman.

President Obama op CNN

Oranjestad- Wie president Obama verleden week op CNN zag bij een townhall meeting met Anderson Cooper van CNN, moet de overeenkomst opgevallen zijn met de Nieuwjaarstoespraak van onze eigen Ayatola Eman op Aruba. Je ziet en hoort twee mensen praten die er kennelijk van overtuigd zijn dat zij, in hun gedachtenwereld, uitstekende leiders en bestuurders zijn. Ze praten recht wat krom is en geloven dat het land goed af is met hun beleid en onder hun leiding. Kijk deze week maar naar de State of the Union address op dinsdagavond; u gaat alweer een onderwijzende president Obama zien die gaat vertellen hoe fantastisch het met Amerika gaat terijl de bevolking het daar helemaal niet mee eens is. Amerika is Obama beu en Amerika snakt naar een andere leider. De man is ongelooflijk onpopulair en hij heeft een superlage approval factor. Obama gaat de geschiedenisboeken in als een van de slechtste presidenten ooit, een prater, een mooiprater, een zwammer, een fantasiekletser, geen doener, een man van mooie kletspraatjes. En in dat opzicht is Mike Eman precies hetzelfde. Praatjes maken over een groen Aruba, hubs, kennis, wetenschap, vijfsterren, duurzaam, stakeholders, sociale dialoog, bo bario en nog meer van dat soort stopwoordjes. De man doet daar bij ALSOF hij zich er totaal onbewust van is hoe verschrikkelijk gehaat hij is, hoe graag en snel de bevolking van Aruba van hem af wil. Zelfs binnen zijn partij, de AVP, wil men van hem af en zelfs zijn eigen familieleden geven toe dat de man getikt is.

De strategische power bluf tussen Otty Oduber en Ayatola Mike        

Natuurlijk gaat Otty Oduber NIET weg op 1 maart. Dat is allemaal strategische power bluf. Otty wil of de leiding hebben binnen de AVP en Mieke moet ophoepelen of Otty begint met zijn eigen nieuwe partij. Mieke en Otty denken dat zij nog lang vrij rondlopen en dat zij nog kunnen meedoen aan nieuwe  verkiezingen; ze realiseren zich nog steeds niet dat ze binnenkort in KIA zitten want mijn strafzaak tegen Otty loopt en ik ga die zaak winnen en tegen Mieke gaat de strafzaak binnenkort beginnen naar aanleiding van het onderzoek in Amerika EN in Aruba naar de misdaden van Roberto Rincon door de Amerikaanse Justice Department. Het gaan interessante weken worden op Aruba!

De nieuwe interim-regering

Het is duidelijk dat de regering van Ayatola Eman gaat vallen en dat er een interim-regering zal komen die de rommel van de Ayatola moet gaan opruimen.

Verleden week beschreef ik al voor u hoe zo’n interim-regering het woordje politiek moet interpreteren en wat politiek precies is. Ik legde u voor dat burgers de klant zijn EN de eigenaren van de NV Land Aruba en dat de overheid een dienende functie heeft; zij behoort er te zijn voor de burgers en niet andersom zoals Eman meent. Een ander belangrijk punt is dat het land bestuurd moet worden zoals een topmanager een bedrijf bestuurt. Ook Land Aruba is een organisatie, een bedrijf dat inkomsten, uitgaven, personeel, klanten, eigenaren, en een vast doel heeft, de zes kenmerken van een bedrijf. De overheid moet dus professioneel bestuurd oftewel gemanaget worden door mensen die opgeleid zijn in management. Ministers moeten dus managers zijn of zij moeten een manager naast zich aanstellen als de eerste coördinator of de beste managers plaatsen in alle departementen al naar gelang de situatie en omstandigheden.

Managers zijn doeners, mensen die resultaten bereiken, die dingen voor elkaar krijgen, getting things done en zij gebruiken missie, visie, doelenstellen, inspireren, een managementmodel, evaluaties en dat soort instrumenten om resultaten en succes te bereiken. Goed besturen is goed managen en alleen

goede managers zijn in staat om Aruba’s financiële, economische, bestuurlijke, sociale en morele problemen snel op te lossen. En daarbij deugdelijk, integer, transparant, sociaal rechtvaardig en professioneel bestuur op Aruba te vestigen. De eisen die aan die managers gesteld moeten worden zijn dat die mensen de beste vakspecialisten op hun gebied moeten zijn, over bewezen integriteit beschikken, bewezen managementcapaciteiten hebben en een duidelijke missie en visie voor Aruba hebben op hun vakgebied. Het is duidelijk dat geen enkele van de ministers in het kabinet van Mike Eman II die kwaliteiten heeft en daarom is het zo fout gegaan. Wat kun je ook anders verwachten van negen mensen waarvan er acht niets maar dan ook niets afweten van hun vakgebied of portefeuille, en het tegenovergestelde van deugdelijk, integer, transparant en sociaal rechtvaardig in hun DNA, in hun genen hebben en uitstralen. Ze zijn allen als slechte mensen  geboren, ze zijn slecht opgevoed en opgeleid en ze hebben vervolgens totaal geen zin om door hun eigen beslissingen hun geboortegebreken te veranderen. In tegendeel, ze zijn addicted aan hun misdaden en gore manieren en de Arubaanse bevolking zal er voor moeten hoeden dat zoiets niet nog een keer gebeurd! Nooit meer een AVP, nooit meer een Eman, nooit meer een Otty Oduber, Mike Bou Meza, Benny Langevinger, Michelle Winkelaar of

Arthur CrimeDouwer. Aruba heeft zijn les geleerd!

Oranjestad- Siman cu a pasa Fundacion CINEARUBA a wordo reconoci door di Prestige Awards pa CINEARUBA su logronan den arte y cultura.

Fundacion CINEARUBA a inicia for di 2011 cu un movemento di peliculanan local, e meta tabata pa motiva, stimula y educa otronan pa haci mescos. Despues di cinco aña e meta di Fundacion CINEARUBA ta dunando su fruta. Awendia tin mas peliculanan cortico y te hasta peliculanan largo pa cine, esaki ta convertiendo su mes den e era nobo di ‘Cine Nobo di Aruba’. E ta un movemento nobo cu ta creando su propio structura cu ta encera di entre otro un presupuesto micro, uzo di localidadnan real, uzo di personanan real como actornan y uzo di un personal di produccion compacto of multitasking. Un movemento di cine no ta algo nobo, tin varios paisnan grandi a experiencia esaki por ehempel Italia cu Neorealismo y Francia cu La Nouvelle Vague. Aruba su movemento di cine tin e oportunidad di crece y cu tempo e lo mehora y por converti su mes den un di e motibonan escencial pa showcase Aruba na mundo henter.

E forma pa haci e ‘Cine Nobo di Aruba’ crece ta si gobierno di Aruba pa medio di Unoca crea un fondo pa cine local cu tur e criterianan pa tanto cine cortico y cine largo pa yuda pusha mas produccion y mehora e calidad di e cine local cu e obhetivo pa manda mas hopi pelicula posibel na festivalnan di cine internacional pa promove Aruba. Fundacion CINEARUBA a participa na mas di 17 festival di cine internacional entre otro Toronto, Washington DC y Italia y pa medio di CINEARUBA su peliculanan a showcase Aruba na miles di publico. Via internet y social media e publico ta mas grandi y global. Cine local por ta hopi beneficioso si uze na un manera strategico y e por tin su beneficio den promociona Aruba su paisahenan, pero tambe su hendenan y artistanan. Si cada film local cu pasa na un festival di cine internacional inicia cu www.aruba.comesey ya caba ta un promocion riba su mes cu ta incentiva e curiosidad den e publico. Fundacion CINEARUBA cu tur su experticio den traha y presenta pelicula ta pone su mes na disposicion pa colabora cu gobierno di Aruba y Unoca pa crea un fondo pa cine local.

Fundacion CINEARUBA ta consciente di e necesidadnan pa haci e cine local crece, pa es motibo CINEARUBA a amplia su metanan pa provee un miho servicio pa medio di crea mas posibilidadnan. CINEARUBA ta buscando un espacio amplio pa por provee recurso y facilidadnan na e hobennan y e cineastanan independiente pa nan por crea nan peliculanan sin e precupacion di tin di limita nan mes. Fundacion CINEARUBA ta haci un yamada na personanan cu por tin un espacio disponibel cu no ta den uzo actual pa laga CINEARUBA cuida e luga contra vandalismo y haci uzo di dje temporario.

E fundacion ta yuda na e desaroyo artistico di e hobennan, brindandonan un plataforma pa nan por expresa nan mes y sigui crece. CINEARUBA su club hubenil ‘Into Acting’ a ricibi bishita di Aruba su talento internacional Curt Joshua Fortin, kende a tuma tempo for di su vacacion pa papia cu e hobennan di e club di su experiencia como actor na Hulanda. Esaki tabata sigur un inspiracion pa e hobennan cu tin soñonan grandi.

Oranjestad- Trabounan grandi andando den conexion cu celebracion grandi di e aña aki 30 aña di Status Aparte 40 aña di Himno y Bandera. Ministerio di Cultura ta pushando pa completa renobacion di Plaza Betico, pero banda di esaki, tin un otro proyecto cu tambe mester keda concretisa prome cu 18 di maart e aña aki cual ta Plaza Padu. Durante un bishita di inspeccion Minister Otmar Oduber a splica cu ya caba por aprecia e prome fase cu ta completa. E di dos fase lo continua patras di e edificio di Cocolishi y lo ta un plaza habri, unda lo ubica tambe e escultura di Padu cu su co-compositornan di nos Himno Nacional. E arte ta financia pa e fondo di TPEF, mientras e proyecto di Plaza Padu ta un di e proyectonan financia pa oficina di turismo enfocando riba embeyeciendo Producto Aruba.  Sra. Ronella Tjin Asjoe-Croes director di ATA tambe a forma parti di e recorido na Plaza Padu. E ta comenta cu e plaza ta complementa e area asina importante pa ATA, unda cu e lo brinda nos turistanan  naturalmente e infrastructura bunita pero lo crea tambe esfera di por socialisa mas lihe cu nos localnan, sin laga afo e aspecto di por comparti un tiki di nos historia y cultura. “E desaroyo den e area unda awor tin Cosecha y tambe un restaurant nobo, ta netamente trece dilanti e aspectonan aki padilanti, den forma di historia, experiencia y arte local mas cerca di nos bishitantenan.” E director di ATA ta entusiasma pa comunica e tipo di proyectonan aki cerca nos bishitantenan y invita nan pa bin mira e plaza y pa incorpora esaki den nan experiencia na Aruba. Mientras cu Albo Aruba a percura pa e prome fase, diahuebs awor lo contratista van Kessel lo continua cu fase B y C. E reto ta pa completa esaki na tempo y na un momento asina importante pa Aruba unda nos rindi homenahe na baluartenan di nos cultura y historia di Aruba. DOW ta encarga pa maneha henter e proyecto cual ta consisti di un plaza, e aspecto di landscaping, espacio pa e bishitantenan por relaha y disfruta di e plaza. Ya caba a haci e trabounan di preparacion pa asina e contratistanan por sigui cu nan trabou. Ta trata di inversion di riba 3 miyon florin. Minister Oduber ta di opinion cu e moral di e tipo di proyecto nan aki ta pa trece hunto historia pa por comparti con nos e lucha di status aparte a tuma luga. Ta importante awor pa mantene plazanan cu ta dedica na un momento specifico. E mandatario ta bisa: “E siguiente plaza cu lo ricibi su atencion ta e monumento di 18 di maart, percurando pa prome cu 18 di maart venidero e ricibi su atencion necesario. Asina aki nos ta trece hunto y eleva e historia durante e celebracion grandi di e aña aki. Dia prome di Januari nos a drenta e aña cu ta celebra 30 aña di Status Aparte 40 aña di Himno y Bandera, nos a percura pa leynan ta na nan luga pa locual ta trata standarisacion di color di bandera, identificacion pa locual nos ta para p’e, combina cu e plazanan aki, por uni nos comunidad bou di un solo causa.” E mandatario ta referi na realisacion cu e raiznan y e lucha di nos grandinan, ta wordo reconoci pa e generacion aki y ta wordo manteni y conserva pa pasa esaki pa e futuro generacionnan unda nan na nan turno lo sa di e lucha grandi cu tabata tin. Sr. Oduber a finalisa cu un peticion na henter nos comunidad pa ta participe na un celebracion asina importante manera ta 30 aña di Status Aparte 40 aña di Himno y Bandera. Luna di maart lo bira nos luna cultural.

Oranjestad- Dialuna mainta Ministernan Otmar Oduber y Alex Schwengle a reuni cu e beisbolista dos biaha ganador di e All Star, Melvin Mora. E deportista famoso aki a yega di bishita nos isla den pasado caba y a mustra interes pa inversion na Aruba den cuadro di deporte y turismo.

Tambe luna pasa el a haci un donacion grando di ekipo di baseball pa promocion di e deporte aki entre nos hobennan. E reunion cu e dos ministernan tabata pa presenta un proyecto di academia di baseball combina cu turismo, proyecto cu ta mustra hopi interesante pa tanto turismo como deporte y lo por habri caminda pa un diversificacion.

Minister Otmar Oduber a indica cu e tabata un  bunita presentacion di e masterplan di un compleho turistico deportivo cu ta habri un porta nobo pa un niche market pa Aruba. Cu esaki por dirigi riba e turista cu kier bin Aruba y havi e parti deportivo y di salud. Esaki lo ta combina cu un academia pa haci di Aruba un centro den henter Caribe pa atrae hobennan y cu ta crea un tipo di atraccion cu ta hopi importante, ofreciendo asina mas posibilidadnan riba nos isla.

Melvin Mora a indica cu semper e tabatin hopi interes pa Aruba y de facto el a hunga cu diferente beisbolita di Aruba. E ta bisa cu nos isla ta hopi cerca di teritorionan di peloteronan manera ta Republica Dominicana y lo ta bon pa incentiva mas ainda e parti deportivo na nos isla.

E proyecto presenta ta pa bin specialmente cu un baseball camp den un forma turistico, promocionando asina e turismo deportivo y ta mirando cu hopi interes e localidadnan den area di Pos Chikito. Pa Mora intencion no ta solamente pa incentiva e parti di baseball, pero henter e parti deportivo.

E pelotero ta bisa cu Aruba ta un pais hopi sigur unda cu Mericanonan por bin wak e peloteronan cu lo wordo forma y nos isla ta un lugar hopi strategico pasobra e ta meimei di tur cos pa loke ta e parti di Caribe. Esaki ademas cu a papia cu e hendenan di Major League Baseball y nan ta hopi interesa den expande den Caribe pa loke ta e ‘pelota profesional’.

Minister Schwengle ta wak e proyecto aki como uno hopi bunita pa tanto turismo como deporte mirando cu e ta uno cu ta sostenibel riba su mes y cu lo crea facilidadnan unda cu nos muchanan lo por haci uso di nan.

Melvin Mora ta bisa cu e proyecto aki mester ta auto sostenibel pa e por genera hopi divisa pa nos isla y pa e turistanan por tin mas actividadnan manera lo por ta un parke acuatico y disfruta di e instalacionnan deportivo cu lo wordo ofreci.

Minister Otmar Oduber ta bisa cu e proyecto aki ta uno completamente nobo, pero na mes momento algo hopi necesario, pasobra ta crea mas posibilidad y por enfoca riba un otro tipo di turismo. E tipo di turismo aki hopi biaha ta wordo haci den seno familiar, ta crea recreacion cu por ta hasta atractivo pa turistanan crucero. Un academia cu por bira un sitio central caminda por haya diferente actividad cu ta inclui e parti acuatico, deportivo y saludabel unda cu henter famia por haya algo di haci, lo ta un balor agrega pa nos isla.

E enfoke mester keda cu hobennan na Aruba, ekiponan di baseball na Aruba ta keda cu accesibilidad na e parke, segun e mandatario y e ta wordo comparti tambe pa Melvin Mora.

Minister Oduber a indica cu intencion ta cu den e 2 pa 3 simannan nos dilanti lo tin un presentacion tambe na Minister Sevinger y tambe na henter Conseho di Minister.

Oranjestad- Jan 11, 2016: Pa mas di 5 siman caba amantenan di keshi a experimenta den cushina y crea recetanan delicioso cu Keshi FRICO, e keshi mas gusta y pidi na supermercadonan, pa asina nan participa den e “MAKE IT WITH FRICO RECIPE CONTEST” y tin e chens di gana mas di Afl. 3500.00 pa nan shop na ALNO Eurokitchen. Keshi Frico ta hopi gusta pa su variedad amplio y premium traha cu e mes un lechi puro y di calidad cu ta wordo uza pa traha productonan di Frisian Flag.

Un cantidad grandi di hende ya caba a upload of entrega nan receta pa participa den e recipe contest aki, na unda e promer lugar lo gana un shopping voucher di ALNO Euro kitchen na balor di Afl. 3,500. E di dos lugar, lo ricibi un shopping voucher di ALNO Euro kitchen na balor di Afl. 750.00 y di tercer lugar un voucher di ALNO Euro kitchen na balor di Afl. 500.00. Participa ta facil, djis crea un receta original traha cu keshi frico y subi riba e website www.FricoRecipeContest.com yena e informacion pa submit bo receta. Riba e website tambe por lesa tur e reglanan oficial di e campaña. Tambe bo por download e formulario pa bo yena e informacion di bo receta for di e pagina di Compra Ltd riba facebook y entrega esaki hunto cu un potret di bo receta na oficina di Compra Ltd. den Schotlandstraat of Engelandstraat. Cualkier hende cu ta gusta cushina of experimenta den cushina por participa.

E recetanan ganador lo wordo escohi a base di e sigiente criteria: creatividad y uzo di keshi Frico, profiel di sabor di e ingredientenan uza, mihor potret, originalidad y storia tras di e receta. 3 finalista lo wordo escohi y lo prepara nan receta den un cookoff pa e huradonan pa asina selecta e ganador di e “MAKE IT WITH FRICO”- Recipe contest. Ultimo dia pa upload receta ta 15 di Januari, 2016. Pa mas informacion por bishita e pagina di Compra Ltd riba facebook.

Oranjestad-Indra Zaandam, consehera di Cultura di Minister Otmar Oduber a indica orguyosamente cu Plaza Betico Croes a drenta un etapa nobo unda ta haciendo trabounan di reconstruccion. E plaza a wordo traha na aña 1986 y ta uno hopi simbolico pa nos pueblo mirando cu ta dedica na un persona cu ta representa masha hopi pa nos pueblo, nos Status Aparte y nos cultura.

E reconstruccion di e plaza lo ta parti den dos fase. E prome ta e parti di e podium y e koepel, cual pa hopi aña no a haya atencion y tin diferente kehonan, manera entre otro cu plafond ta bin abou. E contratista cu e gana e bidding pa esaki ta G&S Contractors NV.

Mester bisa cu bou di e podium tin un espacio sumamente grandi unda cu por traha camerinnan y baño, cual tambe lo tuma lugar.

E di dos fase lo ta e renovacion di tur e klinkers cu tin dilanti siguiendo conseho di expertonan y BIC N.V. a gana e bidding.

Sra. Zaandam ta bisa cu Minister Oduber su vision ta pa e plaza aki ta uno den top condicion teniendo na cuenta cu tur evento cu tuma lugar eynan ta un refleho di nos cultura y historia di Aruba cu a conduci na hiba nos unda cu nos ta awendia.

Trabounan ta wordo haci intensamente pa reconstruccion di Plaza Betico por keda finaliza prome cu dia 18 di maart mirando cu ta celebra 30 aña di nos Status Aparte y 40 aña di nos Himno y Bandera, algo cu como Arubiano nos ta hopi orguyoso di dje.

No a inicia prome cu e trabounan di reconstruccion debi na e costonan di esaki, mirando cu pa añanan no a duna antecion na Plaza Betico Croes. E costonan ta na e momentonan aki rond di 1.3 miyon, cual ta un suma grandi. Motibo di esaki ta e tempo cu mester keda cla cune y tambe mirando cu dor cu ta bay haci un stage multifuncional, e trabounan di e koepel ta aumenta e gastonan. Esnan cu a contribui cu e fondonan pa haci e reconstruccion aki posibel ta ATA, TPEF y FDA.

Mester bisa cu debi na e falta di mantencion durante añanan largo, e estado di e parti patras di stage tabata uno sumamente deplorabel y cu e inversion cu ta den proceso siguiendo e vision di Minister Oduber, e lo ta uno digno di por ta ubica na Plaza Betico Croes unda difente actividadnan y manifestacionnan cultural lo por wordo realiza.

Intencion tabata pa por a logra tin Plaza Betico Croes cla pa dia 25 di januari, dia cu ta conmenora e gran estadista aki, mirando e gran trabounan cu Betico Croes a haci pa nos pais y nos Status Aparte, lamentablemente esaki no a logra debi na e motibo menciona ariba, cual ta fondonan. Di otro banda mirando e importancia cu e propio Betico Croes a duna na e fecha 18 di maart, ta concentrando tur esfuerzonan pa trabounan por ta finaliza prome cu e fecha aki.

E beheer di Plaza Betico lo ta temporalmente bou di Stichting Cas di Cultura pasobra nan ta mas cerca y nan tambe ta un organizacion cu ta enfoca riba cultura y promocion di nos cultura.

Oranjestad- Diasabra mainta Minister Otmar Oduber hunto cu Director y algun miembro di personal di Arubus acompaña pa miembronan di prensa tabata na waf pa asina inspecciona e busnan nobo cu e compania di transporte publico nacional a caba di ricibi.

E mandatario a bisa cu Arubus keto bay ta pasando den un periodo dificil, pero hopi trabounan a wordo haci durante e ultimo añanan y cu yegada di e prome 6 busnan di e flota nobo cu lo mester yega e aña aki ta bay ofrece un mihor servicio na usuarionan di Arubus.

E busnan cu a wordo cumpra ta di marca Marcopolo Volvo cu ta busnan cu tabata wordo usa anteriormente den Arubus caba y ta fuerte y ta bay e extra mile. Minister Oduber a expresa cu tin biaha lo barato ta sale caro y bou du e gobernacion anterior a adkiri e busnan di China, despues di esaki a bay over na e International y awor a step up y bay na e Volvo pa haci un diferencia.

Awor Arubus cu e strategia di tin un Aruparking, Arutram cu entrante e aña aki practicamente tur su gastonan ta keda cubri cu entrada di pasaheronan crucero y e ahuste di tarifa entrante 1 di februari, combina cu un flota nobo (lo busca otro flota nobo e aña aki mes) ta duna Arubus espacio pa un trayectoria nobo den e forma di haci trabou.

E adkisicion di e 6 busnan Volvo ta encera un inversion di aproximadamente 1 miyon Dollar y ta ofrece mas stul y standplaats cu loke conoce na e momentonan aki, mientras cu nan ta mas light y di aluminium pa mayor durabilidad.

E mandatario a pidi pa ban cuida e busnan y ta pendiente pa aproximadamente mitad di e aña aki ricibi e siguiente flota di busnan nobo. Ideal lo ta pa bin cu 10 bus nobo, pero lo wak e posibilidadnan pa haci esaki posibel, sino e lo ta entre 6 y 10.  Si logra yega na e 10 e lo haci cu lo tin un flota mas saludabel, e trahadornan lo por ta mas comfortabel y mas sigur di e busnan cu nan ta maneha, mientras cu ta baha e gastonan di mantencion.

Finalizando, Minister Otmar Oduber a indica cu e maneho y disciplina di empleadonan y e satisfaccion di empleadonan, combina cu baha gasto dor di tin busnan nobo cu entradanan extra cu ta wordo genera poco poco lo yega na un compania manehabel.