Johnnyhabibe-Anchorman

Oranjestad-“Hopi biaha den e añanan cu a pasa nos discucionnan riba enseñansa tabata riba e condicion di e edificio di nos scolnan. Pero e tabata necesario, pasobra nos scolnan tabata den masha mal estado. E tabata un berguensa y e tabata inacceptabel pa sigui duna les den situacion cu nos scolnan tabata aden. Awor cu nos a drecha e condicion fisico di nos enseñansa y casi tur nos scolnan ta den bon condicion, nos mester bolbe pone atencion na e enseñansa den nos scolnan mes. Pasobra futuro di nos pais ta depende di e futuro di nos enseñansa. Si nos laga nos enseñansa sigui manera e ta awor aki, nos no lo por yega e nivel di desaroyo mas halto cu nos kier yega. Nos no lo por ofrece futuro generacionnan e oportunidadnan di estudio y di trabou cu nan kier. Nos no lo por mehora e calidad di bida, e entrada, e cuido, e trankilidad, manera nos kier. Hasta si nos laga tur cos den enseñansa manera e ta awor, nos lo perde oportunidadnan pa nos pais y no hendenan cu awor ta bira posibel. Renobacion di nos enseñansa ta crucial. Ken cu nenga esaki ta sera wowo pa realidad y pa futuro di nos pais!” E urgencia den e palabranan aki di Rene Herdé ta papia pa nan mes. Cu otro palabra: ”Renoba enseñansa, of perde futuro”.

PAKICO AWOR

E motibo pakico renobacion di nos enseñansa ta asina urgente awor, merece un splicacion y Rene Herdé di AVP ta duna esaki: “Enseñansa mescos cu un cas, un auto, un relacion entre hende, mester wordo manteni y renoba, pa e mantene su balor y sirbi su metanan. Si circunstancianan di un famia cambia, por ehempel si e famia haya mas jiu of mas hende bin biba den e cas, mester traha mas camber of renoba e cushina. E circunstancianan economico, social y tecnologico den mundoy den nos pais a cambia, pero nos enseñansa a keda mescos! Esey ta un motibo grandi pa e renobacion awor. Na didos luga, nos a fiha metanan pa yega un calidad di bida mas halto, di amplia nos economia y crea sectornan y actividadnan nobo cu nos no conoce awor. Awor aki nos no tin hende prepara pa haci e trabounan nobo cu ta bay crea. Ta nos enseñansa mester crea e profesionalnan pa e trabounan nobo ey. Awor aki esey no ta sosode.

Na ditres luga, hasta si nos tabata kier renoba y crea e actividadnan economico nobo cu nos kier, nos no tabata por, pasobra e condicionnan fisico di nos infrastructura antigua, no tabata permiti esey. Ta pesey mester a renoba nos infrastructura asina hopi den e ultimo añanan. E inversion den nos infrastructura, ta un condicion necesario pa e renobacion y ampliacion di nos economia. E otro condicion ta e preparacion di nos hobennan pa traha den y haci e actividadnan economico nobo. Ta esey ta e rol grandi cu nos enseñansa mester bay hunga awor. Pesey awor cu e condicion fisico di nos scolnan y di nos infrastructura ta cla, e renobacion di enseñansa mes mester cuminsa! Nenga esey, ta nifica nenga nos pais e desaroyo economico y social cu tur e inversionnan di e ultimo ocho aña ta ofrece awor. Pesey futuro di nos pais ta depende di futuro di nos enseñansa.”

ORANJESTAD – Durante un anuncio special diadomingoatardiriba Green Square, lider di Partido di Pueblo Arubano AVP Mike Eman a comparti cu un cantidadgrandi di simpatizante cu Sr. Richard Visser ta bekcomocandidato.

E ex Minister a tuma e decision akidunandooidona e responsabilidadcivico di traha pa suisla, manera e ta haci semper, peroawoatrobe di un manera mas directo. Visser semper a destaca pa su vision modernistacaminda e bienestar di e serhumano ta keda central.

Manera ta conoci, Visser a profundisadurante ultimo decadariba e terenonan di tecnologia e innovacion den enseñansa. E conocemento y experienciaadkiri ta loke e expertoaki kier pone nadisposicion pa un avance mas den e progreso di nosislaformandoparti di e ekipoprofesional y dedica di AVP.

Oranjestad-Partido MEP un biaha mas ta mustra union y forsa y hunto nos a logra trece un multitud di hende na nos evento Klip P’e Cambio diabierna anochi dia 28 di july.

Candidatonan di cada districto a reuni nan ekipo y simpatisantenan pa asina hunto den parada bou pitro y autonan dorna na bandera geel, bay direccion Klip na Adrian Lacle Boulevard.

Na yegada di e candidatonan den nan caravana, ya caba tabatin un multitud grandi wardando cu anticipacion y entusiasmo enorme e comienso di loke a bira un anochi magno cu presentacion di bandanan musical, prome discurso di candidatonan cu a subi lista den e ultimo simannan, lansamento di candidato nobo y tambe discurso di nos lider, sra Evelyn Wever-Croes.

E anochi nos tabatin bandanan musical local pa entrene nos publico. Tsunami, Grupo di Betico, Oreo y ‘N Fuzion, tur 4 banda a brinda e publico un anochi spectacular y yen di ambiente.

Klip P’e Cambio tabata un exito rotundo cu un publico bon anima y ansioso pa un cambio di rumbo pa nos pais. Tabatin hopi aranan nobo mey mey di e publico y nos ta gradici tur y duna nan un bon bini.

MEP tabata riba Klip na grandi. Y nos lo ta bek riba Klip dia 4 di augustus benidero unda cu hunto nos lo bay direccion Stadhuis pa entrega e lista victorioso pa eleccion 2017. 

Partido MEP ta gradici tur esnan cu a haci e anochi aki posibel y tur persona cu a bin y brinda MEP sosten y goza di un anochi hunto cu politiconan di MEP. Hunto nos ta bay p’e cambio y MEP lo goberna e pais aki pa e siguiente 4 añanan.

Oranjestad-Den un combersacion ameno cu dirigente y maestro di algun scol di Enseñansa Special Joselin a tuma su tempo pa scucha di e personanan aki cu tin hopi aña di experiencia den e ramo di Enseñansa Special. Persona cu un amor y pasion enorme pa nan trabou y pa nan muchanan special. E tawata un gusto pa scucha cuanto dedicacion nan tin pa nan trabou y con hopi nan kier yuda e muchanan aki progresa, pero tambe un preocupacion pa scucha cu nan mescos cu otro scolnan tambe ta enfrentando problema.

Tin en total 3 MLK school na Aruba (Moeilijk Lerende Kinderen)  Scol Paso Pa Futuro, Caiquetios y Emmaschool. Hunto nan tin un total di mas o menos 400 mucha.

Pa alumno cu ta cay bou di ZMLK tin solamente un scol cu ta Dununman.

Pa e alumnonan cu ta caba MLK tin e posibilidad pa drenta  Scol Practico pa Ofishi (SPO) cu ta na Santa Cruz y un na Savaneta. Alumno cu un averahe di 8 pa tur materia por “stroom door” pa EPB sea na e prome trimester of final di e aña escolar.

Problemanan cu Enseñansa Special ta enfrentando actualmente ta: 

1. E proceso pa logra detecta, test y ubica alumno na un MLK ta mucho largo.
2. E caminda pa cana ora cu detecta un trastorno tambe ta mucho largo cu consecuencia cu ta stroba e proceso na scol. Scol mester haya un diagnostico pa traha mas dirihi cu e alumno specifico ey.
3. Un scol special mester tin su expertonan den cas. Un di e expertonan ta un logopedista. Mester por promove pa studiante haci e estudio aki y mester por brinda e studiante algun condicion agradabel pa e bin bek y traha den enseñansa
4. Un scol special mester di un edificio adecua y adapta na necesidad di alumno. Ta importante pa un alumno mira locual e ta siña ta pesey tur scol mester di tin smartboards
5. Un scol special tin como idioma di instruccion Papiamento y no ta conta cu un metodo di LESA special pa scol special.
6. Recapacitacion di maestro ta importante pero tambe recapacitacion di asistente den enseñansa ya cu e alumno no ta solamente MLK so pero tin alumno cu tin trastorno tambe den e scol.
7. Tin un escases na maestro mas ainda na maestro cu ta desea pa traha den Enseñansa Special. Mester bin cu un plan atractivo pa promove cu e studiante cu ta sali for di IPA ta scoge pa traha den Enseñansa Special.
8. Un alumno special no por cu hopi cambio. Mester traha na un cuerpo di “invallers” mara na e scol
9. Ta hopi necesario pa e alumnonan special conta cu un “opvang” adapta na nan necesidadnan.

Pesey E Forsa Nobo POR a ancra den su plan di gobernacion pa

Drecha, modernisa y pone airco den tur e scolnan den Enseñansa Special.

Percura pa tur scol tin e materialnan moderno necesario pa nan por duna les y pa nan por keda up to date cu curiculum apropia pa enseñansa special. Percura pa tur scol tin un logopedista “in house” y facilita e proceso pa e hobenan special por haya ayudo medico/specialista unda ta necesario.

Percura pa tin un “opvang” pa e hobennan ora no tin les y of despues di scol unda nan por haya arte, musica y deporte.

Reenforsa e maestronan cu asistentenan (recapacita) pa yuda mas dirihi tanten cu e maestro ta duna les.

Oranjestad-Curtis Fraser (POR) – Nos ta yegando mas y mas serca di 4 Augustus, dia cu publico lo ser conoci cu diferente lista politico y ken a haya cua number.

Ya caba nos a mira diferente problema surgi a consecuencia di numeracion di candidatonan.

Dus dicon keda cu un ley anticua cu ta causa asina hopi problema tur temporada di eleccion.

Mas ainda, dikon keda cu un ley cu ta laga e poder pa dicidi ken ta sirbi pueblo como parlamentario den man di politiconan enbes di pueblo?!

Mi pensamento ta lo siguiente…lidernan politico NO kier mira e ley di kiesverordening cambia paso esey lo kita poder for di nan.

Kiko mi kiermen cu kita poder for di nan?

Lidernan politico ta usa e ley di kiesverordening pa nan beneficio den e siguiente maneranan:

(1) Si un candidato tin un curason activista y lo berdaderamente traha na bienestar di pueblo enbes di partido, y pa es motibo no tin siguransa di por controle, lo partido NO dune un number preferencial.

Lo ta mihor pa tene net pafo di un number cu lo lagele sinta den Parlamento, unda e lo por bringa pa cambionan pa su pueblo, y como alternativa complace cu un trabou di advisor, coordinador, etc.

Asina por controla e mayoría cu ta representa e partido den Parlamento y garantisa cu e functionamento di “Stempel Parlement” sigui.

(2) Lidernan politico tambe ta usa e ley actual di kiesverordening manera un herment di poder dor di priminti un number clave na un ciudadano cu e lider kier convence pa subi lista; esakinan ta e “Power Plays” cu ta pasa tras di cortina cu ta trece discordia den partido y pueblo.

Enbes di confia den un sistema cu ta pone e decision di ken ta representa pueblo den Parlamento den man di lidernan político, mi ta pensa cu a yega tempo pa pone e poder aki den man di pueblo via voto.

Si como politico bo no por demonstra un amor pa sirbi bo pueblo, nos mester por tin e derecho di mustra nos mal contento via votonan electoral; no por cu un candidato su votonan ta baha te 400 y un otro su votonan ta subi te 600+ y ainda esun cu 400 ta keda cu su stoel den parlamento dilanti otronan cu a crece bay lage.

Ya cu AVP a demonstra di no ta interesa den berdaderamente pone e poder di nos democracia den man di pueblo, y MEP a bin cu un “stunt” cu nan sa lo a fracasa na man di nos Stempel Parlement, partido POR si ta pone accion tras di e dicho “ta e cambio cu bo kier mira” y ta bin cu un protocol cu lo pone e candidatonan di POR cu mas voto den Parlamento. Si di berdat MEP tabata apoya e cambio di ley lo nan tambe a tuma e paso pa firma un protocol interno.

Tin solamente un hefe, PUEBLO!

Pueblo mester tin e poder pa manda tur hende cas, for di prome minister te parlamentario, solamente dor di deposita nan vota un caminda diferente!

Ban pone e curason di nos democracia bati atrobe, vota Curtis Fraser, vota e Forsa Nobo. Hunto Nos POR.

Bo tin deseo di anuncia den Johnnyhabibe.net

tuma contacto cu nos na telefon mainta despues di 10 or na 5828904

————————————————————————————

Oranjestad-Diabierna 28 di july, durante nos magno evento “Klip p’e Cambio” lider di MEP, sra Evelyn Wever-Croes a introduci un candidato nobo riba nos lista na e publico grandi presente. Sr Eddy Paris a wordo ricibi cu gran animo pa esnan presente, cu a duna Eddy un bonbini cu grito y aplauso mientras banderanan geel a bay halto, mustrando asina e satisfaccion un bes mas cu e dicision di nos Lider pa scohe un candidato profesional y elocuente pa forma parti di e liderzgo nobo di Partido MEP.

Eddy Paris, 47 aña, ta casa pa 15 aña y ta tata di 3 yiu chikito. Pa mas di 20 aña el a traha den e sector corporativo, bancario-financiero, despues di caba su estudio universitario na Hulanda na aña 1995, unda cu el a obtene un Masters Degree den “International Business Finance”. 

Ta hustamente den su carera profesional, Eddy a bin ta realisa di cerca e falta di disciplina financiero di parti di nos gobierno, particularmente e ultimo añanan, y e consequencianan serio pa nos economia. E situacion financiero economico di nos pais ta sumamente alarmante. 

Pa e motibo aki, Eddy a dicidi di drenta politica, teniendo e discplina y integridad rekeri pa hunto cu e team di MEP, haci e cambionan cu ta urgentemente necesario.

Den su discurso dilanti un publico sumamente grandi, sr. Eddy a expresa su gratitud y admiracion pa nos lider sra Evelyn Werver Croes y a bisa lo siguiente:

“Mi kier tuma e tempo pa gradici tambe un persona cu den mi opinion como profesional ta un di e “mihonan cu Aruba tin pa ofrece.” Sigur den e temponan dificil y desafionan financiero economico nos dilanti. Un persona sumamente bon prepara academicamente y profesionalmente. Pero loke ta haci’e mas capacita y fuerte ainda, ta e hecho cu mi ta referiendo aki na un hende muher, Sra Evelyn Wever Croes”.

Eddy Paris ta nos candidato nobo riba e prestigioso lista di Partido MEP y lo brinda apoyo na e candidatonan di area di Oranjestad.

“Nos lista di candidato ta demostra liderazgo cu vision. Cada candidato riba lista di MEP ta lidernan inspira, motiva y cu amor pa nan patria. MEP tin e liderazgo nobo cu Aruba merece. Nos ta yama Eddy bonbini y desee tur exito den e dos lunanan di campaña cu falta ainda. Hunto Aruba henter ta bay p’e cambio”, sra Evelyn Wever-Croes a expresa.

Faltando solamente e ultimo fase te entrada di Santa Rosa

Oranjestad-E siman aki pueblo di Aruba y specialmente habitantenan di Piedra Plat y vecindario lo disfruta di e di tres fase di Paradera Corridor cu ta inclui e rotonde na Bright Bakery.

Otmar Oduber ta indica cu e ta hopi contento y satisfecho cu e logro aki cu ta no solamente embeyece e area di Paradera y Piedra Plat, pero tambe ta un ventaha grandi pa loke ta seguridad y fluho di trafico specialmente na loke tabata e cruzada di Bright Bakery.

Actual lider di POR tabata e minister cu a carga e Proyecto di Paradera Corridor for di su fase inicial te cu su retiro for di Gabinete Mike Eman II y su salida for di AVP. Durante e periodo aki a finalisa e prome y di dos fase di e proyecto y a inicia e fase tres cu e siman aki lo wordo inaugura. Ta keda falta solamente e ultimo fase di Paradera Corridor cu lo mester yega te na entrada di Santa Rosa.

Awe tur hende cu ta biba y transita den e area por mira un cambio grandi cu a wordo logra danki tambe na e contribucion di partnernan cu a mira e importancia di un Proyecto asina y e trabounan excelente di e compania BIC cu ta esun encarga pa realisa e proyecto grandi aki.

Otmar Oduber kier felicita henter pueblo di Paradera y Piedra Plat cu e e realisacion di un otro fase di Paradera Corridor y ta confia cu e sosten lo tey pa por logra finalisa e proyecto te na entrada di Santa Rosa.