Johnnyhabibe-Anchorman

Oranjestad -Den mi compromiso pa contribui den gobernacion di mi dushi Aruba mi ta bolbe expresa algun cos. Gobierno actual no tin arte, ni parte di e debe astronomico cu Mike Eman y su partido AVP a crea. A goberna desde 2009-2017 malisimo. Mi ta nenga di acepta cu e digno pueblo di Aruba no sa esaki. Mi no por acepta cu cierto hende kier sigui manipula e realidad amargo cu ta toca nos pa e siguiente añanan nos dilanti. Pero laga mi bisa esaki. Tanten cu e deficit no baha, e debe no por baha. Ora nos crea un crecemento economico den sector priva Foreign Direct Investment (FDI), nos debe nacional ta cuminsa baha y por trece esaki bek na normanan aceptabel den Reino Hulandes. Logico ami ta kere cu e crecemento aki mester pasa pariba di brug pasobra no ta aceptabel mas pa nos sigui desaroya Aruba den e mesun area. Gobierno su aparato ta yen, na unda cu no por papia mas di sostenibilidad den e sector aki. No tin logica basa riba interes general cu lo acepta cu nos desaroyo ta sigui den e rumbo aki. Tanten nos sigui kere den un politica cu no a hiba nos na mas prosperidad real, nos no lo alcansa pa saca nos pueblo di e desaster nacional aki. Nos ta bayendo pa di 4 aña cu no tin crecemento economico. Pues dimes no por paga e debe astronomico riba nos cabes y tambe futuro generacion.
Estado di bancarota
Actual Minister President Evelyn Wever Croes a presenta un plan multi-frontal di rescate siman pasa: E situacion ta mas malo cu nos a pensa. Practicamente tur departamento di estado ta den rood. Tin hende ta bisa cu Sra. mr. Evelyn Wever Croes a bisa cu no lo bin cu medida of ahustacion. Segun Mike Eman, cu el a bisa cu e por soluciona e problemanan di e gobierno anterior.  Con esaki lo ta posibel si Arubus, ATA, Postkantoor, Arutram, Aruparking, Serlimar, Utilities N.V., Elmar, WEB a wordo masacra cu e famoso Green Conference/Europe Meets America cu NO a trece crecemento economico, AZV, SVB, APFA, proyectonan di Bo Aruba, PPP sin control debido manera Hospital, Green Corridor, Watty Vos Blvd y edificionan di MFA’s. Practicamente tur cos ta den estado di bancarota. Aah prome cu mi lubida, e “BON DEAL” di nos refineria di Mike Eman, Mike de Meza y Richard Arends a laga RdA tambe cu 70 Miyon den rood. Un San Nicolas na suela den tur sentido. Ex-Minister President Mike Eman nunca a presenta un plan structural y real na nos situacion. Tur locual el a haci ta crea debe y mas debe cumprando tur hende na un manera dictatorial y anti-constitucional. Nos di Movimiento Electoral di Pueblo a hiba un oposicion fuerte contra e maneho neoliberal di AVP, pero pa nos mala suerte pueblo a dicidi otro na 2013. Na e momento ey pueblo no a realisa kico Mike Eman tawata kiermen cu “Ainda Falta” pa kita honor y dignidad di tur hogar aki na Aruba.
E clase trahador merece mas
Paisnan manera Hapon 200% di debe, Grecia 160%, un tiki mas cerca den nos region ta Puerto Rico y Jamaica tambe cu debenan nacional astronomico cu tur e consecuencianan negativo pa cu nan pueblonan. Cada pais ta diferente den recurso y desaroyo, p’esey no por compara niun pais cu otro. Por haya un idea si con por soluciona problemanan similar. Grecia no tawata tin un plan y esaki a complica cos mas aun. Minister President actual a presenta un plan di rescate/crisis. Tambe a mustra e curashi pa bin cu reforma fiscal mas tarda pa 2019. Esaki lo ta e solucion pa Aruba a largo plaso si TUR hende coopera. Mi ta sostene e plan 297 pa trece Arubanonan bek Aruba, algo cu mi a expresa den pasado en conexion cu reapertura di nos refineria cu a fracasa totalmente. E clase trahador merece mas di nos economia despues di 32 aña di Status Aparte combina cu mas oportunidad pa desaroyo academico mas pagabel. Banco Central di Aruba mester bin cu un maneho pa baha interes pa por brinda mas na nos pueblo. Nos mester crece e economia di Aruba pasobra nos a yena e isla aki te unda cu awe nos ta e di dos isla mas pobla na Mundo despues di Barbados. Nos tin problema cu salud publico combina cu envehecimento di nos poblacion. Nos mester nos hubentud. Nos no por perde nan: E atraconan, dropouts, adiccion, formacion di gang esaki no ta yuda nos pais den absolutamente nada. Gobierno tin e tarea di goberna pa tur hende riba e isla aki por yega na un bida sostenibel. Gobierno di MEP/POR/RED ta bezig cu esaki butando e ser humano central den tur e retonan cu Aruba ta enfrentando. No ban lubida e situacion cu Venezuela cu ta alarmante y ta perhudicando nos region.
Union ta haci forsa
Tin hopi trabao pa haci pero tur esaki nos por logra den UNION solamente. Nos no tin tempo mas pa argumentonan sin base y sigur nos no tin tempo mas pa erornan den pasado manera ora MEP tawata bezig cu reforma fiscal na 2007 cu no a bay manera planea. Ban stop di crea un pais unda cu mas di 85% ta e clase trahador cu sueldonan cu no ta yega den un economia importador, 10% clase media y 5% super rico. Ban crea un Aruba unda cu e clase trahador, 30% ta nivel (1), 30% nivel (2) cu ta participa mas husto posibel den crecemento di nos economia, un clase media di mas o menos 30%: profesionalnan ta nivel (1) y entreprenuers nivel (2), y e resto “rico”. Nos por crea un isla Caribense cu realmente ta contribui na democracia participativo den nos region den siglo 21!

Oranjestad -Fraccion di POR ta en espera di un encuentro cu Minister di Deporte, Alan Howell a duna di conoce durante e rueda di prensa di e fraccion. E ta bisa cu el a haya hopi peticion pa cu e veld di bala Xander Bogaerts na Lago Heights na San Nicolas, un veld cu a bay drasticamente atras. Un veld unda e muchanan ta train,cu tin e palonan di luz cu ta casi cay den otro poniendo e muchanan na peliger. Sin laga afo cu e muchanan mester di varios material por ehempel un batting cage.
Mientras tanto tin cu scucha cu e muchanan tin cu bende rifa pa nan por yega na e materialnan y kier hasta bende rifa pa drecha e facilidad na San Nicolas.
Fraccion POR tin esaki bon na bista y lo bishita e veld aki constantemente pa e team y mayornan sa cu fraccion di POR tin nan na pecho pa cu nan deporte y nan yiunan. Howell a indica cu lo bay haci todo lo posibel pa por yuda y pusha un tiki unda cu por, manera Lotto pa Deporte y cerca Minister di Deporte pa por yuda drecha e facilidad aki pa por tin un ballpark unda e muchanan por practica nan deporte trankilo y sin peliger.
Mas aleu e parlamentario di POR ta bisa cu a yega ora cu na momento cu bay over na construi un facilidad mester por conta cu un planning di con ta bay mantene e lugar tambe.
Finalisando Alan Howell ta felicita Minister di Deporte pa cu e anuncio di e construccion di Little League Ballpark na Dakota.

——————————————————————-

Oranjestad -Parlamentario Alan Howell ta lamenta e echo cu gobierno di AVP a dicidi di kita un otro negoshi di pariba di brug y mande pabou di brug. E ta referi aki na keuringslokaal cu a wordo kita for di Pos Chiquito y manda pa Barcadera.
E ta bisa cu no ta solamente e forma di actua dudoso di e ex minister Sevinger ta bin dilanti aki, unda a cera un deal cu un comerciante cu ta mara nos pueblo pa 5 aña largo cu un huur hopi mas halto y pa un area mas chikito, pero tambe e forma cu a dicidi di kita un otro lugar mas for di pariba di brug, perhudicando asina un biaha mas nos hendenan cu ta biba parti pariba di Aruba.
El a recorda con anteriormente e keuringslokaal tabata na San Nicolas y a wordo kita for di e sitio aki cu e consecuencia cu a afecta e negoshinan den e cercania. Awo a manda e keuringlokaal mas pabou, kite for di pariba di brug y e comerciantenan den e area seguramente lo bay sinti e consecuencianan tambe y e ta un forma di caba cu comercio pariba di nos isla.
Howell ta bisa, cu gobierno anterior no kier pariba di brug ni San Nicolas den ningun sentido bon, nan kier nan mes bon. Nan kier favorece nan mes y otronan prome cu nan pensa riba pueblo. Howell ta spera cu Gobierno actual tuma bon nota di e tipo di practicanan aki unda no ta mata unicamente e comerciante cu no tin e contract mas, pero ta mata full un pueblo di pariba di brug caminda ta haci e comercio mas malo.
Pa loke ta trata e empleadonan di DTI e ta kere cu nan tin un dolor grandi di laga un lugar cu por ta den nan mente no tabata mucho espacioso, pero awor a bay na un lugar cu ta hopi mas chikito.
Parlamentario di POR por a compronde cu gobierno a manda algun pregunta pa Aruba Villas N.V. (e compania cu a haya e contract nobo) pasobra algun vehiculo no por ni maniobra den e keuringslokaal nobo aki.
Fraccion di POR, mirando cu ta 67 mil Florin di placa di pueblo ta wordo paga pa luna, lo sigui vigila y controla cu cada punto cu tin den e acuerdo di huur cuadra y no lo ta acepta pa cualkier di e puntonan no wordo cumpli cune.

ora

or

Oranjestad-Siman pasa no tabata un siman facil pa Gobierno di Aruba y sigur cu no pa Minister Presidente kende mester a haci e anuncio pa cu aña 2018 pidiendo pueblo un cooperacion. Esaki ta significa curashi y responsabilidad. Berdad ta cu durante eleccion, debi na e informacionnan cu nos tabata maneha na e momento ey, a vocifera cu nos tin e solucionnanpractico sin mester pidi pueblo algun cooperacion. Y esaki basa riba informe cu gobierno e tempo aya tabata publica cu nan a logra baha deficit di pais Aruba te na 2% den 2016 y nan lo logra cumpli cu e norma di CAFT den 2017 di  –0.5% na deficit cual ta igual na -25 miyonflorin. Alrespecto e publicacionnan aki y si nan lo tabata berdad hamas mester a inclui pueblo den e solucion pero lo a logra tur cos cu nos plannan alternativo.

 Desaster den Cocolishi

Dia 17 di November Gobierno nobo a huramenta y dialuna 20 di November 2017 tabata e promer dia di trabao. Ora a drenta Cocolishi a encontra un desaster. Tur e wayanan di telefoon corta, computernan a wordo “horta”, drivers ni harddisk di server no t’ey, no tin ningun documentacion, oficinanan cu holor desagradabel. Pues un lugar sin pia ni cabez y no tabatin nada pa bo por cuminsa informa bo mes y traha pa drecha e situacion. A tuma algunsiman pa por a cuminsa mobilisa y poco poco e otro banda di medaya tabata saliendo na cla. A hereda un pais na rand di bancarota. Un pais unda 93 cen di cada florin ta comprometi nadebe. Mike Eman, Richard Arends y AVP a engaña pueblo cu CITGO. Den presupuesto di Pais Aruba tabata tin presupuesta 73 MIYON di CITGO cual nunca y te cu awe no a drenta. Alaves tabata tin debenan cu AZV, comerciantenan local, ATA y mucho mas cu gobierno a retene nan placa y no tabata efectua pago.

AVP no a cumpli cu e norma di CAFT

Dia 20 di December 2017 mester a trata den Parlamento di Aruba e presupuesto supletoriounda a aproba 130 MIYON cu AVP a malgasta entre otro den campaña. Esaki a trece cune cu AVP  hamas a cumpli cu e norma di CAFT 2017 di -25 MIYON.  Mester agrega e norma di -25 Miyon riba e -130 MIYON y cu esaki a cera aña cu -155 MIYON di deficit. Tur esakipresidente di CAFT Raymond Gradus a splica dia 3 di Februari 2018 den conferencia di prensa. E malinformacion di AVP na pueblo a trece cune un scenario totalmente diferente. E peso cu a wordo poni riba aña 2018 ta inmenso. Pa culminacion, AVP a firma cantidad di proyectonan PPP y nunca a presupuesta con ta paga esakinan.  Tristo ta cu desde 2018 esakinan mester cuminsa wordo paga. Mester paga minimo 20 aña largo na 81 MIYON pa aña y Hospital por ehempel lo wordo paga durante 29 aña na 30 MIYON pa aña. Esaki ta parti di locual gobierno nobo a encontra.

Catastrofe Eman

Na 2009 Aruba tabata paga 116 MIYON na interes pa aña y esaki a alcansa 216 MIYON nainteres pa aña 2017, un aumento di 100 MIYON den 8 aña di AVP. 216 MIYON na interes pa aña ta igual na alrededor Afl. 25 Mil florin pa cada “ORA” di dia!! Hopi tristo unda AVP a hiba e pais aki.  Gobierno nobo a cuminsa pa corta masha hopi gasto den e aparatogubernamental y tambe den companianan estatal. Na salario di coordinadornan a corta entreotro 28 MIYON den proximo 4 aña.

Finalmente pa evita un KB y pa logra haya Hulanda para banda di Aruba mester a pidi pueblo un cooperacion di 1.5% pa paga PPP y 1% pa BAZV. Cu hopi dolor mester a haci esaki peronos ta sigur cu nos lo sali for di e “catastofe” EMAN aki  y den futuro cercano Aruba lo  para firme bek riba su pia y nos yiunan lo goza di e prosperidad di e pais aki. Nos ta DETERMINA pa salba nos Pais Aruba!!  

Oranjestad – Tur hende mester compronde bon cu awo tin un Parlamento nobo y parlamentario Alan Howell no tey pa haci pret. Haci investigacion ta mi cuki y ken cu faya ta haya. Pueblo mester compronde na un manera hopi cla pakico nos pais ta den e situacion financiero critico al momento y pakico ta hayando 2.5% den pueblo su body. Ta pa via cu gobierno anterior a horta pueblo na un manera mahos. Robin Hood tabata horta di e rico pa hiba pa e pober. Pero Benny Hood ta horta di e pueblo hiba pa e rico”, Parlamentario di POR Alan Howell a expresa dialuna mainta durante un encuentro cu prensa unda el a presenta documentonan cu ta mustra con ex minister tabata deal cu placa di pueblo, inclusive riba dia di eleccion.

Negociacion tipo Legal Gangster ta loke Benny Sevinger a haci net prome cu el a baha como minister, desgraciando mas ainda nos pueblo. Esaki ta e practicanan di gobierno anterior cu a conduci na e situacion critico den cual nos ta awendia. Ta asina cu Benny Sevinger a duna Aruba Villas N.V. un conseho pa traha un local na Barcadera y cu el lo bay huur esaki for di nan.

E tereno no ta sigur ainda, pero no lo ta nada straño cu esaki tambe lo a wordo geregeld door di e propio Sevinger.

E excusa di Sevinger pa huur e local aki ta cu edificio bieu di DTI ta mucho chikito y cu mester muda pa uno mas grandi, pero hilaridad di bida ta mustra net lo contrario. Gobierno tabata paga un suma di Afl. 49,510.- pa luna pa un total di 2300m2. Awo pueblo di Aruba mester paga un suma di Afl. 67,752.- pa luna pa un total di 1882m2. Es decir ta pagando casi 20 mil Florin mas pa luna pa un area mas chikito.

Loke ta haci e situacion peor ta cu Sevinger dia 21 di september, un dia prome cu eleccion ta duna opdracht pa su management team di DIP traha un contract y dia 22 di september, dia di eleccion e ta firma e contract di huur. Contract anterior tabata di 2 aña y esun di 22 di september a firme pa 5 aña, marando e gobierno nobo na un suma asina halto pa luna.

Documentonan ta mustra cu Benny Sevinger a wordo conseha pa no haci esaki, pero el a prefera di beneficia Aruba Villas N.V. lubidando cu ta interes di pueblo e mester a salvaguardia!

Oranjestad- Den e conferencia di prensa awe di Partido Mep tanto Sr.Ady Tijsen y Roco Tjong a duna nan comentario y opinion riba e situacion financiero di e pais  y Motibo cu a viaha pa Hulanda ta debi na e carta di staatssecretaris Knops a leak unda cu ta indica cu por tin un aanwijzing na caminda si pa 30 di april benidero no ta cumpli cu normanan stipula.

Ta remarcabel cu politiconan di oposicion ta pidi pa objetiva e discucionnan en cuando nos finansas publico.

Mester nota tambe cu den e carta cu a leak ta indica cu si no actua den cuadro cu e recommendacionnan di CAFT, un aanwijzing lo ta na caminda, mientras cu e gobierno anterior nunca a actua segun e recommendacionnan di CAFT

 

——————————————————-

Keda pendiente pa mas informacion via Johnnyhabibe.net