Johnnyhabibe-Anchorman

ORANJESTAD, Aruba 14 di mei 2018: Seccion Cuido Salud Hubenil di Departamento di Salud Publico ta e seccion encarga pa controla y monitoria salud general di nos muchanan di 0 pa 18 aña. Desde luna di april e seccion aki a muda for di ex edificio di BGD situa na van Leeuwenhoekstraat 16. 

Temporalmente e seccion ta localisa na edificio principal di Departamento di Salud Publico situa na Caya Ing. R. Lacle 4 te ora cu nan haya un localidad nobo y permanente. Pa servicio di Cuido Salud Hubenil entre otro dokternan di mucha, dietista of ortopedagogo por tuma contacto cu nan via number di telefon 522-4200. Por laga nomber y number di telefon pa nos personal di seccion Cuido Salud Hubenil por tuma contacto cu nos cliëntenan pa asina traha un cita y pa servicio di Cuido Salud Oral por yama 522-4280.

Pa mas informacion por tuma contacto cu Departamento di Salud Publico na 5224200.

Oranjestad-Parlamentario Endy Croes ta reacciona fuertemente riba Marlon Sneek alrespecto un articulocu Sneek a publica fin di siman. Textualmente Sneek a skirbi “Esey ta e realidad y den nosconcepto e ley di presupuesto 2018 no ta cuadra, pasobra cu CAFT mester toets e presupuestoaki, y nan toetsing kader ta hinca den loke nos ta yama e LAFT, e LandsverordeningFinancieel Toezicht di Aruba, eyden e ley ta y e ley ta bisa den su articulo 14, tin un kaderkico mester a pasa na 2014, na 2015, 2016, 2017 y 2018 y pa 2018 den e ley pasobra ta basariba e ley y ta danki na e ley CAFT cu ta existi, e ley aki ta bisa cu e presupuesto mester tin 0.5% di surplus e aña aki y esey no ta e caso”.

 Nada di deficit reglamenta pa 2014

Marlon Sneek awor kier bin siña pueblo kico ta e toetsing kader para den e ley di LAFT naarticulo 14. Sneek mester tabata bou influencia sea di alcohol of droga na Augustus 2015 momento cu e mes a grita VOOR pa aproba e ley aki.  Ningun pero ningun caminda den leydi LAFT aki na cual Marlon ta referi den su articulo tin para of reglamenta kico mester a pasana aña “2014” manera Sneek ta pretende. Sneek, blijf bij de les!! E ley aki hustamente a bin na vigor momento cu AVP a causa un desaster cu finansas publico den aña 2014 unda cu e deficit a alcansa 9.3%, esta un deficit di mas di 400 MIYON florin te cu e lider di Marlon Sneek a haya un KB y a bay bebe Ensure bao palo pidiendo su fanaticonan kendenan no ta compronde e materia pa bay bati wea dilanti cas di gobernador gritando “firma awor”.

Deficit 2014 NO tabata 3%

Adhunto memorie van toelichting di gobierno di AVP di aña 2015 unda ta prueba di locual mi ta splicando Marlon cu su propio gobierno a splica cu e deficit a alcansa 9.3% na 2014 y NO3% manera e ta gañando den su articulo. Pueblo waak pa bo mes y lesa locual e mentirosoSneek a skirbi y mi ta quote e textualmente: “Aki nos tin cu corda cu un presupuesto cu 3% deficit, ta hiba nos na aña 2014, ta benta nos cuater aña pasa, ta eynan ta camindapresupuesto di Aruba tabata y awe na 2018 nos ta bek na mesun caminda”. Pa un ex meneerdi school Marlon ta laga hopi di desea y mi lo tin duele di alumnonan cu a haya les for di dje.

Tambe mi ta referi na Artikel 14 Lid 2 saca for di ley di LAFT: Voor de collectieve sector bedraagt het tekort voor het begrotingsjaar 2015 maximaal 3,7% van het BBP, in 2016 maximaal 2,0%, in 2017 0,5%, met in 2018 een overschot van minimaal 0,5%.

Manipulacion y engaño

Specificamente, articulo 14 lid 2, pa ley a wordo reglamenta normanan pa cu deficit di paisAruba cual no por  surpasa 3.7% den 2015,  2.0% na 2016, 0.5% na 2017 di GDB, y den aña2018, e tin cu alcansa un surplus di 0.5%, cu ta mas of menos 25 miyon florin. Pues di undaMarlon Sneek kier bin gaña y manipula pueblo awe cu desde 2014 esaki mester ta na 3% mi no por compronde. Tur documentonan y e ley LAFT ta papia cla. Marlon Sneek asina ta demostra un mente putri of un cabez cu flat tire. Pueblo keda atento cu nunca pero nunca mas e hendenan aki no por bolbe. Causando un desaster y ainda kier keda manipula y gaña un nacion no por tin pordon.

Oranjestad-Na Aruba riba tereno politico ainda nos falta hopi pa madura y falta ainda tambe pa pueblo compronde y bira consciente riba e esencia di politica y principalmente comprende e trabao di nos como parlamentario. Un  democracia parlamentario tin como punto e trias politica pa trece balance y pa garantisa cu pueblo por tin bon gobernacion, transparencia y sigur integridad. E trias politica ta papia di separacion di podernan, pero na Aruba nos ta papia mas bien di reparticion di poder.

Trias politica

E poder legislativo (Parlamento) cu ta e representacion di pueblo di Aruba y no di un partido politico (Staatsregeling III.1) ta e organo cu tin di papia den nomber di pueblo, tin di scucha pueblo, trece nan preocupacion dilanti y cu nos constitucion ta duna nan e instrumentonan hopi importante pa por haci nan trabao den nomber di pueblo cu ta e derecho di haci pregunta na e minister y staatssecretaris, derecho di iniciativa unda cu por bin cu ley y esun di mas importante e derecho di aproba un presupuesto.

E poder ehecutivo ta den man di gobierno cu ta fiha su maneho pero tambe ta esun cu ta bin cu leynan di iniciativa cu na final di dia ta keda den man di parlamento, si ta aproba of no ta aproba. Y e poder di hurisdiccion (rechtspraak) ta den man di hueznan cu tin e deber di protega e ciudadano den su derechonan unda ta controla si tur procedura tuma pa gobierno a bay conforme ley.

Un parlamento critico

Pakico e splicacion den corto aki? Ta debi cu pa basta dia nos por a tende hopi comentario principalmente riba e trabao di parlamentarionan unda cu tin ta vocifera cu nan lo ta haci di mas, principalmente e parlamentarionan cu ta sostene e gobierno, door di a haci riba 1000 pregunta pa locual ta trata presupuesto y cu nunca antes esaki a pasa. Tambe bo ta haya comentario riba e cantidad di mocionnan cu a ser presenta, sin conta na momento cu un parlamentario bay publicamente y duna su pensamento riba maneho y ta ser mal interpreta y sigur esnan den oposicion ta haci mal uso di esaki pa core haci propaganda politico infantil cu ta refleho di falta di madures politico. Pakico ta bisa esaki? Pasobra esaki pami ta netamente pakico pueblo a vota pa un cambio. Porfin tin un parlamento cu no ta un stempelparlement, cu a permiti cu awendia nos tin un debe grandi unda cu 93 cen di cada florin ta bay na paga debe. E refleho di un parlamento critico cu ta haci uso di su derecho pa haci pregunta y unda cu a haci riba 1000 pregunta den e ultimo presupuesto.

Mocion ta deseo di pueblo

Mocionnan cu a ser entrega ta muestra cu e parlamentarionan aki ta scucha pueblo y mocionnan ta deseonan di pueblo di kier wak algo diferente. No ta pasobra bo tin un maneho kiermen cu e ta e mihor. Si pueblo ta desea algo otro bo tin di scucha y trata na haci cambionan pa cumpli cu deseo di un pueblo pasobra na final di dia ta pueblo ta e huez cu lo dicta si un maneho tabata bon. Pero como parlamentario y den e area cu mi tin conocemento semper lo mi keda trece mi pensamento y para tras di pueblo cu mi ta respresenta y cu mi opinion of di cualke colega, no ta obliga ningun minister di sigui, pasobra nos ta haci nos trabao como parlamentario.

Control di parlamento

Na momento cu aproba un begroting no ta nifica cu un gobierno por haci y deshaci. P’esey e parlamento tin di hunga un rol importante unda e por yama e minister na cualke ora pa bin duna cuenta con cos ta bayendo. Y sigur e maneho aproba pa parlamento ta e guia di e parlamentario pa por controla si cada florin aproba ta yega su destino y si gobierno ta cumpli cu su maneho stipula. Esaki no nifica cu nos ta contra ningun Minister ni kier ta sinta den stoel di ningun minister pero nos ta haci nos trabao cu pueblo a pone nos pa haci y mi lo sigui haci esaki p’asina pueblo cu mi ta representa por ta trankilo cu nos di parlamento ta e garantia cu por tin bon gobernacion, transparencia y integridad.

Pa termina mi tin di bisa cu nos falta hopi ainda pa madura politicamente pero a cuminsa e prome pasonan. Sigur e no ta bay ta facil pa nos pero pueblo tin di cuminsa bira consciente di e rol importante di un parlamentario di controla un gobierno y no net parobes manera ta e mal custumber cu gobierno ta pone un Salsa y maske cu mi no sa bail’e mi tin di bail’e. Pues cu esaki mi kier pone cos bon cla pa pueblo cu nos di parlamento y sigur mi persona a bin pa haci mi trabao manera debe ser pa dia mi bay, pasobra ta pueblo ta pone y pueblo ta kita, mi por bay cu mi cara na laira cu mi a haci mi trabao como parlamentario manera debe ser y sigur cu mi a traha na interes di e pueblo di Aruba unda cu mi a huramenta pa haci esaki na un manera corecto.

Oranjestad-Despues di traspaso di mando presidencial na Costa Rica, Prome Minister Evelyn Wever-Croes a reuni cu Presidente Alvarado y Vice Presidente Epsy Campbell.

Durante e reunion a toca varios punto di interes comun entre Costa Rica, Aruba y Reino. Principalmente e tema di nos studiantenan na Costa Rica y e proceso cu Aruba a encamina pa soluciona e problema cu nan no por traha na Aruba despues di nan estudio.

Presidente Alvarado a duna su palabra di lo yuda pa nos soluciona e problemanan aki pa nos hobennan por bin bek Aruba y traha.

Tambe a elabora riba desaroyo economico y posibel cooperacion entre Aruba en Costa Rica, entre otro di turismo pero tambe tocante importacion di fruta, berdura y comestibles. E reunion tabata un reunion hopi fructifero pa ambos pais.

Oranjestad-Despues di a tuma nota di declaracion di e ex mandatario di husticia pa loke ta nos radarnan. Lider di fracion di MEP, sr. Rocco Tjon MBA, kier atraves di documentacion coregi e declaracion erroneo di e ex-mandatario di husticia.

MAINTENANCE SUPPORT AGREEMENT FIRMA PA RUDY CROES (POTRET 1)

Na januari 2008 e compania Raytheon Canada Ltd a manda un oferta pa mantencion di Aruba su radarnan. Y e ultimo contract di mantencion pa cu e radarnan di pais Aruba a wordo firma entre e ex mandatario di husticia, sr. Rudy Croes y e compañia Raytheon Canada Limited na maart 2008. Por mira cu e contract di mantencion aki tawata ensera mantencion preventivo, reparacion technico, “technical support” y un checkeo semanal. Asina aki lo percura pa e radarnan aki keda funciona optimalmente. For di e contract aki ta sali na cla tambe cu e periodo di mantencion, pa loke ta trata e contract, ta vence 31 di december 2009. 

CARTA DIRIGI NA MIKE EMAN PA PROLONGA CONTRACT DI MANTENCION Y INSTALA E DI TRES RADAR (POTRET 2)

Den e carta dirigi na sr. Mike Eman, fecha 10 di december 2009, e compania Raytheon Canada Limited ta splica sr. Eman cu e contract di mantencion lo vence. Adicional nan ta splica sr. Mike Eman cu e di tres radar ta na Aruba caba y ta urgi sr. Mike Eman pa apunta e sitio di instalacion. Por ultimo nan ta urgi gobierno di Mike Eman pa percura pa contesta prome cu 23 di december pa asina bon functionamento di e radarnan aki por continua. Mike Eman no a firma pa prolonga e contract di mantencion.

USO DI RADARNAN ENTRE DECEMBER 2009 PA JANUARI 2011

A pesar cu e radarnan aki no a wordo manteni entre december 2009 pa januari 2011, bou di maneho di Cuerpo Policial nan tawata wordo husa. Lider di fracion di MEP ta acentua y confirma cu durante e periodo aki e mes, como “Algemeen Coordinator Recherche Tactiek” na e “Unidad di Crimen Organisa” a haci uso di e functionalidadnan cu e radarnan aki tawata brinda. Es decir nan tawata functiona keto bay!

DECISION PA DESTRUI E RADARNAN DI ARUBA (Potret 3)

Den un carta cu fecha 8 di maart 2011 nos por tuma nota cu Aruba y Hulanda a yega na e decision pa destrui e radarnan. For di e carta en cuestion nos por lesa cu na anja 2010 Mike Eman y Hulanda a ordena pa haci un  investigacion pa haya sa e estado technico di e radarnan aki. E resultado, segun e carta aki, a mustra cu e estado technico no tawata bon y pesey Mike Eman y Hulanda a dicidi pa destrui e radarnan aki. Mirando e valor agrega pa seguridad di país Aruba, valor agrega pa e seguridad di nos oficialnan, e hecho cu e radarnan tawata functiona ainda, e hecho cu intencionalmente no a prolonga e contracto di mantencion, lider di fracion di MEP ta considera e actuacion di Mike Eman condenabel y inaceptabel.

Por ultimo, lider di fracion di MEP, sr. Rocco Tjon, kier a bolbe emfatisa e importancia pa adkeri e radarnan aki como e instrumento principal pa loke ta nos primera linea di defensa. Y como cu e radar ta wordo menciona den e presupuesto cu a wordo aproba, sr Tjon tin pleno confianza cu a corto plaza país Aruba lo bolbe tin nan propio radar na nan disposición y esaki bou maneho di cuerpo policial.