Archive for the ‘Aruba News’ Category

ARUBA

Oranjestad (buvo) Departamento di Obra Publico ta informa pueblo di Aruba en general y specialmente nos automobilistanan cu diaranson 14 di januari proximo lo cuminsa cu reconstruccion di Hendrikstraat te cu crusada cu John G Emanstraat. E caya aki ta identifica como fase 1A segun e plan di proyecto pa rehabilita diferente cayanan den centro di e nucleo comercial di Oranjestad.

Hendrikstraat  lo ta cera pa e motibo menciona pa reconstruccion entre  7:30 am te 4:00 pm. Duracion di e trabou di reconstruccion lo ta 4 siman. Rutanan alternativo lo ta indica cu baricadanan y borchinan di aviso. Ta pidi tur automobilista y negoshinan y otro usuarionan pa tene cuenta cu e inconveniencia cu lo por surgi pa cual nos ta pidi nos disculpa.

E proyecto di rehabilitacion di e cayanan menciona lo continua despues di Hendrikstraat den e siguiente secuencia. Fase 1B. Esaki ta e pida di Middenweg entre Hendrikstraat y Waterweg. Lo continua  despues cu fase 1C cu ta Waterweg e parti entre John G. Emanstraat y Caya Principal y lo termina cu fase 1D cu lo ta e parti di Middenweg entre Dwarsstraat te Waterweg. Cada fase lo tin un periodo di reconstruccion promedio di entre 3-4 siman. Duracion di reconstruccion di e totalidad di fasenan lo ta di 16 siman.

DOW lo informa publico debidamente  di cambio di circulacion di trafico segun e proyecto di rehabilitacion aki ta desaroya.    

mep 

ORANJESTAD – Parlamentario di AVP Melvin Tromp , alias “DONKEY” ta duna contenido real na e dicho ‘porco sushi ta busca muraya limpi pa frega su curpa’! Aki nos ta referi na su atakenan contra nos lider, Evelyn Wever-Croes.

Melvin Tromp no ta cansa di papia coi loco, djis pa tapa su propio berdad, pesey laga nos record’e su propio berdad.

Evelyn Wever-Croes, líder di MEP, a wordo apunta pa henter Parlamento, inclusive Melvin Tromp, na forma unanime, pa representa henter Parlamento di Aruba den e Comision di Reino di Integridad. Ta hende integro so por wordo apunta den e comision ey, y pesey lider di MEP a keda apunta na forma unanime. Y tin veredicto di hues cu ta substancia esaki! Cu e decision aki Evelyn Wever-Croes pues ta representa Melvin Tromp tambe den e comision di Reino. Si Melvin Tromp realmente tabata tin prueba di actonan fraudulento di Evelyn Wever-Croes, con e mes por a vota pa apunta Evelyn como su representante? Pues aki un y tur por mira, cu Melvin Tromp ta nada mas cu un oportunista patetico.

Pero ya cu e kier punta dede riba hende drechi, ta bon pa Melvin Tromp bin dilanti y contesta algun pregunta: Ken ta e parlamentario cu ta ofrece damitanan cocaina pa sali dal un trip cu nan? Cu ki intencion ta duna damitanan cocaina? Ken ta e parlamentario cu ta abusa fisicamente di hende muher? Ken ta e parlamentario cu ta bebe burachi tur fin di siman na Tanki Leendert? Ken ta e parlamentario cu a wordo kita di Valero pasobra nan a haya arma den su poder?

Esakinan ta apenas algun pregunta pa awor, ainda falta mas pregunta, pero nos ta laga esey pa un siguiente ocasion. Sigiente biaha cu Melvin Tromp kier punta dede riba nos lider, contesta e preguntanan aki prome.

 

GuyabaOranjestad- E mata di guyaba ta un mata relativamente chikito cu ta crece te cu 6 meter di halto cu un corona hancho y ramifica. 

Mescos cu pa hopi otro mata di fruta, abehanan ta hunga un papel sumamente importante pa cu polonisacion y sobrevivencia di e mata di guyaba.
E mata di guyaba mester wordo planta den un area unda cu e ta haya bon lus di solo y no tin mester di un cantidad grandi di awa pa sobrevivi, cual ta haci cu e mata aki ta crece idealmente den e clima riba nos isla.
Guyaba mes ta un fruta cu ta kai den categoria di appel cu un sabor parecido na un combinacion di peer y strawberry pa cua motibo e ta wordo hopi gusta dor di grandi y chikito.
E benificionan pa cu salud di e ser human ta hopi entre otro;
Peso : Un guyaba ta contene menos sucu cu un appel, appelsina, druif of peer cual ta haci e fruta aki ideal pa esnan cu kier baha peso y esnan cu ta sufri di suku. Nutrientenan den e fruta aki ta percura pa mantene y regula e metabolismo di e curpa.
Bista : Guyaba ta contene un cantidad halto di vitamina A cual ta mentene un bista sano y ta juda preveni catarata.
Preveni cancer : Guyaba ta contene un cantidad halto di lycopene cual ta un anti oxidante fuerte cu ta combati celnan di cancer, specialmente cancer di prostaat.
Tosamento y griep : E juice di guyaba berde por yuda elimina slijm, kita dolor di garganta y preveni infeccion. E guyaba tambe ta contene un cantidad halto di vitamina C cual ta mantene un imuunsysteem halto.
Guyaba ta wordo hopi gusta pa e diversividad di uso di e fruta cual ta sumamente delicioso riba su mes pero cu tambe por wordo pa traha differente postre, bolo, juice, jam y batido.
Pa esnan cu kier planta y cosecha e delicioso fruta aki den nan cura di cas, Santa Rosa ta bende hunto un surtido grandi di mata tambe e mata di guyaba.
Departamento di Agricultura, Cria y Pesca ta invita tur cu kier sinja mas di e mata di guyaba y otro matanan di fruta y berdura pa tuma contacto cu e Departamento na 585 8102 unda cu nan lo por cumpra entre otro mata, simiya y tera y ricibi conseho y guia con pa mihor planta na cas.

 

Oranjestad-Misa di Crisma ta un manifestación di e unidad di nos Iglesia, na unda henter pueblo cristian ta reuni, hunto cu e sacerdotenan di cada parokia y cu Obispo como cabes di nos Iglesia local.

Den e celebración aki, nos Obispo ta consagra e tres diferente azeta usa den Iglesia, esta: Azeta di Enfermo,  Azeta di Catecumenonan y Santo Crisma. Tambe, den e Misa aki, tur sacerdote presente ta renoba nan compromiso  na Señor y na nos Mama Iglesia.

A bira tradición caba cu cada Parokia ta tuma turno pa bira e luga di e celebración Eucaristico aki. E aña aki Parokia di San Francisco, tin na su encargo e celebración tan significante aki.

Pa medio di esaki  Pastoor Stanislaw y e comicion encarga cu e celebración aki, tin e grato honor y placer pa invita e Pueblo di Aruba en general pa bin celebra hunto cu nos e celebracion tan significante aki.

Lugar: Pro-Catedral San Francisco di Asis

Fecha: diaranson 16 april, 2014

Ora   : 7:00 P.M.

 

lieder di Partido Democracia Real

lieder di Partido Democracia Real

Oranjestad – Andine Bikker lider di PDR a informa nos cu diaranson un delegacion di staten di Aruba a hasi un bishita na Corsow,unda a bay pa bishita e defensor di pueblo,jama ombudsman,ja cu parlamento di Aruba ta studiando un ley pa bin cu un instituto asina na Aruba pa asina Aruba tambe por tin un defensor di pueblo.

 Bikker a sigi informa nos cu dunando un bishita na e ombudsman na Corsow cu ta funcionando 10 anja caba y a haya un presentacion unda e la bin ripara cu tin diferente ciudadano cu no ta estableci na Corsow pero cu tin kehonan referente funcionamiento di institutonan di gobierno na corsow.

Sr.Andine Bikker ta sigi amplia via nos player :

SR.ANDINE BIKKER LIDER DI DEMOCRACIA REAL TA INFORMA NOS DI E BISHITA NA CORSOW UNDA A LOGRA UN POSIBEL SOLUCION PA E PROBLEMATICA DI REGISTRO DI TESTAMENT.
—————————————————————— ANDINE

Dr.Jaime Falconi

Dr.Jaime Falconi

Oranjestad – Noticiero 94 tabata tin un entrevista a nivel di ciencia medico cu Dr.Jaime Falconi unda e la splica nos redaccion di Noticia como medico y neurologo e la wordo confronta cu hopi pacient cu ta sufri di Stroke y con por reduci esaki,mes un cos cu otro problemanan cardiovascular,problema di curason of di ader.

Factornan di riesgo ta presion halto-sucu,cholesterol y husamento di alcohol,sigaria,stress,falta di sonjo y falta di movicion cu lo por aumenta pa problemanan cardio vascular.

Nos tur sa cu nos tin un problema di obesidad riba nos pais y tur hende ta purba mas hopi posibel pa mehora nan saludo y evita problemanan cardio vascular.

Dr.Falconi ta sigi splica via nos Player:

Villes Franken Candidato Politico pa Parlamento Europeo

Villes Franken Candidato Politico pa Parlamento Europeo

Oranjestad – sr.Villes Franken a informa nos cu despues cu a atende e ley di Bosman,y un politico a referi cu un persona cu a hiba e persona cu mester a laba e placa awe ta candidato politico.

Sr.Franken ta splica cu e informacion aki no ta berdad,e la hiba e amiga di e mucha homber pa e sera un deal cu Fred Teven cu tabata officier di husticia y awe e ta den un otro posicion.Nan a sera un deal, Kiko e deal tabata ensera e no sa y no a puntra.

Sr.Ville Franken via nos Player ta sigi duna mas informacion impactante:

Sr.Glenbert Croes Parlamentario partido Mep

Sr.Glenbert Croes Parlamentario partido Mep

Oranjestad – conversando cu Sr.Glenbert Croes parlamentario pa Mep e la splica nos cu awe e la participa den un reunion di parlamento y a trata hunto cu ministro di cultura y hunto cu e commission di bandera cu a wordo institui den tempo di ex ministro Ramon Lee,y tambe combina cu e comision bow di e gobierno di Avp unda ta biba e deseo di uniforma e uso di e color di bandera corecto,cual bandera mester e respet maximo cu e colornan cu e ta wordo imprimi y traha mester wordo usa den un forma official.

Sr.Glenbert Croes ta sigi amplia e informacion aki via nos Player :

Alonso Tromp di Partido Democratico Real

Alonso Tromp di Partido Democratico Real

Oranjestad – Alonso Tromp di partido PDR den un entrevista cu nos departamento di noticia a informa nos cu un parlamentario mester ta conciente cu e ta representante di pueblo ,y muy enparticular ora cu bo ta maneha un auto pa no mester husa alcohol of otro susbstancianan cu ta cambia bo reactie vermogen. E la informa nos cu e la scucha tur dos banda di medaya y tambe e reaccionnan riba social media. Loke si e la bisa si cu e cosnan asina no mester pasa na Aruba.

Alonso Tromp tambe a trese dilanti su punto di bista riba politica den actualidad na aruba.

Pa mas informacion sigi scucha via nos Player :

MelvinTromp parlamentario pa partido AVP

MelvinTromp parlamentario pa partido AVP

Oranjestad – Conversando cu Sr.Melvin Tromp parlamentario pa partido Avp a informa Noticiero 94 live awe  cu e ta reacciona ja cu tin varios comentario rond di e incidente cu a tuma lugar unda un parlamentario di partido Mep ta envolvi den un accidente. E la tende declaracion e la te usa un dicho Hulandes,e ta bisa awe nos kier papia di social media no ta papia berdad,y fuera di esaki cu e tabata tin un motibo pa bandona e lugar di accidente.

Kien cu e ta cu causa accidente bo tin cu para warda autoridad bin hasi investigacion pa loke ta e accidente aki.

Sr.Melvin Tromp ta sigi amplia – scucha e historia completo via e Player di Johnnyhabibe.net