Ministro Otmar Oduber
Oranjestad – Diamars merdia Minister Otmar Oduber tabata presente na Aruba Juniors caminda e tabatin e honor di entrega un plakaat como reconocemento na tres baluarte di nos deportea asina cu Minister Oduber a wordo invita pa haci e entrega aki debi cu tabatin 7 team for di exterior hungando den e campeonato “Himno y Bandera Internacional”cu a bin hunto cu nan famia pa un total di aproximadamente 230 turista, ademas cu a entrega a wodo realiza 18 di maart, cu ta un fecha cultural.
Jesus (Joy) Kock, relacionista publico di Aruba Juniors a indica cu ta un tradicion di 24 aña cu nan ta honra 3 atleta y e biaha aki a toca honor na Minister Otmar Oduber di haci entrega di e reconocementonan aki.
E promer atleta cu a haya reconocemento ta Nelson Kock reconoci pa su trayectoria den baseball y softball. E di dos atleta reconoci tabata Kenneth Arias reconoci pa su destreza den futbol, volleball y softball. E di tres deportista cu a ricibi su plakaat for di man di Minister Oduber tabata un personahe grandi den mundo di futbol “Doc”Williams.
E mandatario inicialmente a duna pabien na tur hende presente riba nos Dia di Himno y Bandera y a pidi un fuerte aplauso pa Aruba Juniors pa e trabou grandi cu nan ta haci aña tras di aña y cu a homenahea 3 baluarte depotivo mas e aña aki, pasobra ta hopi a wordo homenahea caba. “Pami ta un gran honor pa entrega e plakaatnan aki”.
Tambe el a dirigi su mes na e bishitantenan for di Corsow, Bonaire y Canada, el a yamanan bon bini y danki pa ta hunto cu nos.
Despues di e parti oficial, e delegacion di Canada a invite pa pasa na nan mes y asina wak tur loke nan a trece pa parti. Nan a indica di ta hopi contento na Aruba y varios di nan lo keda pa un of dos siman mas pa asina disfruta di nos isla hunto cu nan famia.
Johnnyhabibe-Anchorman 