KIKO MARLON SNEEK A HASI PA “INTEGRIDAD” TE AWOR? NADA NADA!

Posted: January 19, 2015 in Noticiero 94

MARLON

Oranjestad — Manera a wordo anuncia dos siman pasa pa Baba Herde, lider di fraccion di AVP, Marlon Sneek, parlamentario di AVP, a wordo poni den e comision di Integridad di Reino, pa representa Aruba. Un decision no solamente dictatorial di Baba Herde sino hopi absurdo tambe, cu ainda e mes no por splica drechi. El’a purba di tur forma, inventando tur clase di excusa, pero hecho ta cu su decision di paunta Marlon Sneek a cai den masha mal tera serca tur hende, especialmente serca e sostenedornan di AVP. Sin papia mes di e reaccion di e politiconan hulandes, cu tur conose e historia di Marlon Sneek.

Marlon Sneek probablemente ta e politico riba lista di AVP cu tin mas escandalo riba su nomber. Berdad e mes talves no tabata envolucra cu abuso fisico y abuso sexual di hende muher, of e mes no a duna damitanan cocaina pa sali cu nan, of e no a tene relacion sexual riba lessenaar na pia di trabou. Esakinan ta escandalonan di su coleganan, pero Marlon Sneek mes tin un record masha impresionante di escandalo riba su propio nomber, y riba peticion general ta ripiti cada un di nan.

1. Marlon Sneek a wordo deteni pa polis despues di a horta jeans, y hasta tin un proces verbaal di e ladronicia aki di Marlon Sneek.
2. Tambe a gara Sneek ta horta wiskey
3. Su dedenan largo, el’a demostra tambe hortando aros
4. Sneek a wordo demanda pa gobierno hulandes pa incumplimento cu pago di su studielening na Hulanda.
5. Sneek a malusa placa di pueblo, ora el’a biaha bai shop na Panama cu placa di Parlamento, ora cu el’a exigi pa Parlamento paga 7 dia di ‘daggeldvergoeding’ pa un reunion di 2 dia! Mescos cu otro biahe pa Colombia! Te dia di awe e NO a paga e placa aki bek tampoco.
6. Na un hotel a gara Sneek ta horta carni
7. Sneek ta un di esnan cu a pasa e ley pa yena su propio saco, den apenas 6 minuut, drechando su mesun salario na forma barbaro, mientras cu el’a pasa pueblo un medida tras di otro!
8. den su anjanan mas jong Sneek tabata masha conosi pa kibra auto, prome un jeep, despues un toyota color oro, y varios mas, y e particular den cada un di e accidentenan aki ta cu semper tabata tin alcohol envolvi
9. ultimo tempo Sneek a bolbe hay’e den basta problema den trafico, manera por mira riba e foto adhunto, el’a haya su mes involucra den un accidente di trafico, y el’a mustra di tin problema serio cu incontinencia, si mira e mancha riba su carson, algo cu e mes a admiti durante reunion publico, cu ora bo causa un accidente bo mester para, “maske bo a pishi of pupu bo panja”!
10. pero e mas serio di tur ta dia su auto na forma masha mistorioso a dal basha cura di cas abou, casi mata hende, laga hopi holor di alcohol y core bai. Otro “hit & run”, pero e biaha aki un “primo” a wordo pusha dilanti pa carga responsabilidad. Y naturalmente despues di esaki, e “primo” aki a haya un contract diki diki cu gobierno.
Bo ta kere cu e persona aki ta capas di hasi algo riba e tereno di integridad? Integridad ta algo cu bo tin, of bo no tin, y e lista impresionantye di escandalo aki ta demostra cla y raspa cu Marlon Sneek NO tin integridad, y cu esnan cu a apunt’e ta mes of mas hipocrita cu e mes. Mike Eman y Baba Herde a pusha e mihor persona pa e posicion aki, pasobra Marlon Sneek lo percura pa tanten Mike Eman ta den gobierno, Aruba no haya NINGUN ley di integridad! Y esey ta hustamente locual cu partido AVP kier: pa ningun regla wordo implementa cu ta stroba nan di sigi fiesta.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s