Oranjestad-Nos a tuma nota cu dialuna pasa porfin Prome Minister Eman a sali afor y declara un ke otro relaciona cu hedging. Loke nos a spera di sr. Eman tawata pa lamenta e decisionnan cu nan a tuma y tambe e duracion actual di e hedging. Manera nos a vocifera caba algun dia pasa esaki ta wordo considera como un crimen! Siendo cu pronosticonan actual ta indica cu esaki lo bay sigui baha y yega te 20 dollar pa bari.
Nos kier enfatisa cu Promer Minister mester ta na altura cu pa via di su incapacidad y negligencia e ta costando pueblo di Aruba un rebaho drastico di coriente pa e ultimo 6 lunanan. Por ehempel si tin un famia ta paga 300 florin pa luna awe e lo tin 900 florin extra pa e por gasta. Esnan cu ta paga 1000 florin lo por tin 3000 mil extra den nan saco. Pa por a yega na e sumanan menciona mester aplica e 50% di reduccion di e prijs di crudo multiplica cu 6 luna. Pesey nos ta considera esaki como un ladronicia den dia cla!
Pa loke ta trata e parti di energia alternativo, nos kier remarca cu ainda Prome Minister tin un pensamento irealistico pasobra 100% energia alternativo no ta ni viabel tampoco recomendabel. Tin biaha bo ta haya e impresion cu Prome Minister no sa kico e ta papiando! Energia stabil ta importante pa por garantisa un bon suministro di coriente. Un ehempel di esaki ta hidro-energia pero asina mes no mester un suministro stabil. Ta hopi importante pabo mantene un fraccion di 70/30 pasobra semper bo mester tin un backup pa cualkier eventualidad. Si bo no tin un backup system cu ta traha riba fuel oil bo lo bay haya bo mes cu problema grandi manera chens pa blackout. E ponencianan di Prome Minister pa e motibo aki no ta cuadra cu realidad.
Johnnyhabibe-Anchorman 