Seleccion ARUBA ta cay venci contra di PANAMA

Posted: January 10, 2015 in Johnny Habibe

aru vs pan

ORANJESTAD-Diabierna 4or di atardi, seleccion U20 di Aruba a enfrenta Panama. Esaki a tuma lugar den e National Stadium na Kingston Jamaica. E prome 15 minuutnan di wega, e seleccionadonan a sa di cumpli cu e opdracht di e entrenador principal kende ta Arent Bekhof. Ta den e di diesocho minuut di wega, cu un buraco a pone cu fasilmente e nr 9 di seleccion di Panama, Ismael Diaz de Leon ta score e prome gol di partido. E gol aki y algun otro fayo a pone cu na di 29 minuut di e prome tempo, cu Ervin Vlademir Zorilla ta amplia e score dos pa nada na fabor di Panama. Asina mes cu Aruba tawata den desventaha cu anotacion menciona, e hungadornan a keda cu animo, pero tawata notabel cu nan tawata un poco desconcentra.

Esaki a haci tambe cu tawata sinti falta di presencia di algun di nan riba tereno di wega. Unrato mas laat, esta na di 35 minuut, Panama ta amplia nan ventaha cu gol anota pa Edson de Sousa cu nr 16 riba su camiseta. Di e forma aki tambe e prome parti di e partido ta finalisa cu score di 3-0 na fabor di Panama. Durante segundo tempo e hungadornan a ricibi un instruccion diferente cu esun di e prome tempo. Aruba a sali cu e meta di pone preshon mirando cu Panama ya tawata un poco cansa. Pero e gol cu a cay na di 51 minuut di e partido por medio di Ismael Diaz de Leon a pone cu no solamente e score a bira cuatro pa nada, pero cu hungadornan di seleccion Aruba a cuminsa ehecuta loke a wordo palabra.

Algun biaha a purba pormedio di Ricky Hodge como tambe pormedio di medio campamista nan, pero Aruba a keda cortico. Despues di e 20 minuut di e segundo tempo, Aruba a sa di domina pero no tawata por a concretisa y ta perde su prome partido 4-0 contra di Panama. Pa e capitan di equipo esta Jonathan Ruiz, esaki mester ta un wake-up call pa tur hungador y cu no ta pasobra a perde e prome partido e team mester keda “down”. Segun Ruiz, cu nan lo sa di aprobecha e perdida aki pa preparanan mes mucho mas mihor ainda pa e siguiente partido.

spot 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s