Den cuadro di 18 di maart: Bunita recepcion di Aruba na Den Haag

Posted: March 18, 2015 in Johnny Habibe

REC ARUBAHUIS
Den Haag-Oranjestad, 18 maart 2015 – Na Carlton Ambassador hotel na Den Haag a tuma lugar nu recepcion pa celebracion di Dia di Himno y Bandera di Aruba. Minister Plenipotenciario Alfonso Boekhoudt y sra. Hanneke Boekhoudt-Koets a ricibi diferente invitadonan, manera presidente di Eerste Kamer Ankie Broekers-Knol, minister Plenipotenciario di Curacao Marvelyne Wiels, vice presidente di Raad van State Piet Hein Donner, ex ministerraad Jan Laurens Brinkhorst y Hans Hillen. Tambe un cantidad di casi 40 embahadornan di diferente pais Europeo y Latinoamerica a duna acto di presencia na e recepcion di minister Boekhoudt pa cu Aruba su dia nacional.

Durante di su discurso pa e invitadonan minister Boekhoudt a bisa cu Aruba ta celebra cu e ta un pais autonomo den Reino Hulandes, pero cu alabes Aruba ta brinda ariba e dia aki honor na su himno y bandera. “E celebracion aki tin hopi di haber cu e identidad di nos hendenan. Pesey nos ta duna atencion special na nos cultura, nos idioma y nos historia ariba e dia aki. Un historia cu ta mustra cu un pais chikito y autonomo por enfrenta su destino cu cooperacion cu otro pais. Un ehempel di e cooperacion aki ta e pre-clearance Mericano na nos aereopuerto y e proyecto pa bin cu pre-clearance pa vuelonan pa Europa.”

Ministe Boekhoudt a papia di e vision di Prome Minister Mike Eman ariba e cooperacion den Reino y cu esaki mester ta pa uno di crea oportunidad. “Pa Aruba esaki lo mester conduci na oportunidadnan comercial pa crea un dimension social y comercial cu lo drecha e situacion ariba e tereno di salubridad, felicidad y bienestar di e pueblo,” asina e mandatario a bisa.

Tambe sr. Boekhoudt a papia ariba e plannan y proyectonan na Aruba ariba tereno di sostenibilidad y energie berde. Esaki por keda realisa, segun e mandatario, cu cooperacion di partnernan di Aruba, manera TNO, Carbon War Room y Philips. “E esfuersonan aki a pone cu Aruba siman pasa a ricibi e World Legacy Award na Berlin pa Aruba su esfuersonan ariba sostenibilidad. Como Aruba nos ta sumamente orguyoso cu e reconocimento internacional aki. E ta duna nos e forsa pa continua cu e ambicion pa yega na un Aruba mas berde y mas sostenibel.”
Finalmente minister Boekhoudt a bisa cu e dia aki ta un celebracion di nos dia Nacional, hunto cu nos partnernan y amigonan. “No unicamente nos tin amor pa e momento aki den historia di nos pais, pero tambe nos ta tira un bon bista loke ta spera nos y con nos por enfrenta e retonan nos dilanti y cu mi ta spera cu nos por conta pa esaki ariba boso aporte,” asina Minister Plenipotenciario Alfonso Boekhoudt a bisa.

E recepcion a sigi den un ambiente hopi ameno cu musica di e saxofonista Arubiano Delbert Bernabela.

ADVERTISE 3

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s