Debenan di garantianan hotelero ta keda persigui partido AVP! Awe 31 di maart Gobierno lo mester bay paga un otro suma di casi 10 miyon florin

Posted: March 30, 2015 in Johnny Habibe

Sace5

Oranjestad-Awe 31 di maart 2015 Gabinete Eman un biaha mas lo mester bay paga un suma di 5.1 miyon dollar (9.2 miyon florin) y esaki relaciona cu e escandalo di e garantianan duna door di AVP durante nan gobernacion di 1986-1988.

Manera nos tur sa caba, durante Gabinete Eman I, miyones di dollar na garantianan den forma descabeya a ser duna na e Mafianan Italiano y esaki relaciona cu e tres proyectonan hotelero Eagle Beach Hotel (Ramada), Beta Hotel y Plantation Bay Hotel y cualnan tur a fracasa y laga den ruina atras. Resultado final di henter e tragedia aki ta cu pais Aruba – basa riba sentencia di Corte Internacional na Den Haag – mester a paga di inmediato (‘uitvoerbaar bij voorraad’) un suma di $206.000.000,00 (206 miyon dollar) pa tur e bagamunderianan cometi pa Gabinete Eman 1 y partido AVP.  Hecho ta cu si no a percura pa paga e suma aki, nos pais lo a bati bancarota. E tempo ey Gabinete Oduber cu a caba di asumi gobernacion a haya su mes obliga pa trece un solucion pa cu e pago di e debenan miyonario aki laga atras door di AVP.

Sinembargo Gabinete Oduber no a sinta yora, pero cu curashi y determinacion a bay Italia, a negocia cu SACE y a logra un reduccion di e debenan di garantia cu 100 miyon dollar. E acuerdo a ser firma dia 11 di oktober 2002 door di e General Manager di SACE, Giorgio Tellini y pa Aruba ex-Minister President Nelson Oduber y ex-Minister di Finanzas Nilo Swaen.  E acuerdo a encera cu lo paga 55 miyon dollar cash y e restante lo wordo paga durante 15 aña largo – te cu 31 di maart 2018 – na un suma di 5.1 miyon dollar (= 9.2 miyon florin) tur aña. Pues den total ya un suma di mas cu 200 miyon florin a ser paga na SACE durante e ultimo 11 añanan! Si ta bon awe lo tuma lugar e di 12 pago di e garantianan y despues lo tin cu haci 3 pago mas (2016/2017/2018) y p’asina Aruba porfin sali completamente for di e desaster cu AVP a hinca nos pais aden mas cu 25 aña pasa.

Alavez laga e dia di awe ta un dia di reflexion pa un y tur den e pais aki realisa cu e mesun bagamunderia y desaster financiero di Gabinete Eman lo sigui den e proyectonan PPP (Pa Pueblo Paga) di mas cu 2.4 biyon florin, caminda e pagadornan di belasting lo tin por lo menos 30 aña pa paga pa tur e proyectonan aki.

JOHNNYHABIBE

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s