Oranjestad-Diabierna anochi Brazil Taekwondo Stichting a reuni leu for di cas cu e meta di pasa ariba tur e potretnan, layout y texto di e calender pa asina corigi esaki pa por entrega esaki bek cerca señor Mauro Jones di Jonespublicidad. Tur hende a gusta e layout cu Mauro Jones a usa pa aña 2015.
Tur aña Mauro Jones ta diseña e calender di Brazil Taekwondo Stichting pa duna e calender algo unico y diferente pa e pueblo por goza di e calender ora cu nan cumpra esaki pa hinca den nan hogar. Un di e cosnan cu a hala hopi atencion cerca tur hende ta e idea unico cu Mauro Jones ta usa tur aña y cu a laga tur hende bisa cu e calender aki ta mas bunita cu esun di e aña anterior. Durante di e reunion Jeritza Arends a trece e cuenta di Brazil taekwondo Stichting cu tin actualmente. Awor cu Brazil Taekwondo Stichting ta conta cu mas mucha e bus mester core 4 biaha pa dia pa asina busca y hiba tur e muchanan bek pa nan cas.
Esaki ta gastonan extra cu a bin acerca y ta pone cu Brazil Taekwondo Stichting mester bay recauda mas fondo pa cubri tur e gastonan aki. Tambe a atende un carta cu a bin for di ASU. Awor ta contanto e dianan pa e campeonato di Aruba Caribbean Cargo/Arumia Logistics Taekwondo Cup 2014 cu ta dia 13 di September den Centro di Bario Brazil.
Johnnyhabibe-Anchorman 